Eri reqa’lenelab’ri Comando Antisecuestros rech ri Wokajil Ajchajin Tinamit (PNC) xkesaj jun alaj ala pa kaq’ab’ nik’aj ajb’anol k’ax kakeleq’aj winaq k’a pa lunes nab’e q’ij rech diciembre kanoq. Pa jun puqtzukunem ri’ xb’antaj kowonem xto’ik, rumal ri’ e k’o oxib’ chi winaqil xechapik kab’ixik e’are xkik’am b’i xuquje’ k’o jastaq xriqitaj ri’ are la’ rech kuq’alajisaj uwach ri’ pa q’atb’al tzij.
Eri q’atb’al tzij rech ri PNC, xub’ij eri alaj alaj k’ate oxib’ ujunab’ xeleq’ax b’i chaq’ab’ rech pa lunes kanoq, pa le colonia San Julián de Chinautla, rech Iximulew ri’. Are chi’ xk’ulmataj wari’, eri nik’aj ajb’anol k’ax xek’amow b’i xech’aw apanb kuk’ ri rachalalil ri alaj alaj rech sib’alaj xkitoq’ij chi rij Q250,000 chi pwaqwil ri’.
Are chi’ k’o ri winaq xub’ij apan ri’ che xsach ri alaj ak’al, chi ke ri reqa’lenelab’ ri División Especializada rech Investigación Criminal (DEIC), xkiterne’j utzijol ri’ ruk’ k’i taq b’anikil utzukuxik. Rumal k’u ri’, pawe q’ij kimik pa jun k’olib’al k’o chuxo’l Santa Catarina Pinula xuquje’ ruk’ ri San José Pinula, Guatemala, eri Comando Antisecuestros ri’ are xopan che resaxik pa k’ax ri’ ri alaj ala, ri utz uwach xuquje’ k’aslik xkito’o.
Rumal k’u ri’ xechap loq oxib’ chi winaqib’, ruk’ jun ch’ich’ kab’insaxik, ruk’ oxib’ chi ch’aweb’al ri’. Are chi’ xe’oann ri rachalal ri alaj ala chi la’, are xkiriq loq, xuquje’ te k’u ri’ xkik’am b’i ri’ rech xsolixik we utz uwach ri’ xuquje’ we rajawaxik kab’an le rilik ri’.