Eri Wokajil Ajchajil Tinamit (PNC) pawe q’ij 30 rech agosto, xkib’an k’i uwach taq puqchajinem tzukunik pa ronojel rulewal tinamit, rech xkub’isaj ub’anik ri ya’olchajinem winaqil xuquje’ pa le kaq’atexik ri b’anoj taq k’a pa Iximulew ri’. Eri chajinem ri’ are la’ xkik’am ub’e ub’anik kumal ri reqa’lenel rech taq comisarías xuquje’ ri unidades especializadas ri kitaqim katzukuxik kariqik nik’aj molaj b’anol taq k’ax kamisanik, rech taqim unab’ejsaxik uq’atexik ri awan jastaq kunab’al xuquje’ rech kachajixik ri winaqil ri’.
Eri e ajchajil tinamit pa taq ri kik’olib’al chajinem tzukunik ri’ kakitzukuj kakilo pa taq le ch’ich’, rech kakilo we man e k’ot winaq taqom kichapik ri’ xuquje’ reh we man k’ot awan jastaq kunab’al keqam b’i. xuquje’ kakib’an puqchajinem chi rij taq ri kejach’ich’ xuquje’ kewa’katjik rech kechajin pa taq ri qas kab’an wi ri k’ax, jeri’ kechajin pa taq uxulanb’al juyub’ che kaqan ri’ rech ke’opan pa taq le siwan pa le k’ax taq ri b’e ri’.
Komon chajinem pa wokajilal
Xuquje’ ruk’ katob’anik ri reqa’lenel ri Inistituto Guatemalteco rech Migración (IGM) xkib’an le kilik kib’antajil ri winaqil e ajq’axel pa tinamit che ri e b’enaq pa taq le ch’ich’ rech ereb’al winaq pa tinamit. Rumal ri’ eri puqchajinem xb’an pa le colonia Monte María 1, zona 12 rech Villa Nueva, Iximulew, ri kab’ixik xeriqitaj wi e 34 chi winaqib’ kapetik Venezuela, kapetik Perú xuquje’ kapetik Colombia ri xe’oik loq maj kiwujil keqam pa rulewal tinamit ri’.
Eri puqchajinem ri’ are la’ k’o jun nim upatanib’al ub’aom pa le kub’sib’al ya’olchajinem pa tinamit erch pa jikomal kek’oji ri winaqilal ri’, rech pa nojimal kakub’ kik’u’x chi ke ri e ajchajil tinamit. Rumal ri’ wexa’ k’o ri kakitzuj loq ri winaqil, chakib’ij loq pa le 110 kuk’ ri PNC, pa le 1561 kuk’ Crime Stoppers ri e k’o che kato’ik ri winaqib’ pa le b’iw b’ixik loq pa awalik.