Pa le puqtzukunem xb’antaj pa le Granja Penal Canadá, Escuintla, xya utzijol che xriqitaj awan jastaq ri’, ruk’ 23 chi ch’aweb’alil rech eqam, 9 routers rech ya’el retal ri internet ri’, lajuj chi kaqiq’b’al, ruk’ oxlajuj chi chi ilowachib’al, ruk’ keb’ chi k’aqb’al q’aq’ ri’, ruk’ k’i taq pisob’al awan kunb’al cocaína ri’ xuquje’ ruk’ marihuana ri’, ruk’ oxib’ jek’ib’al internet satelital ri’. Xuquje’ xriqitaj pa jun k’olib’al 185 chi lame’t nojinaq chi tzam.
Eri q’atb’al tzij xkiya utzijol ri’, pa le puqtzukunem ri’ sib’alaj xtzukuik pa taq le nimaja rech pa tz’apib’al ja che ri xriqitaj wi loq k’ilaj taq awan jastaq ri kojom pa b’anoj taq k’ax pa le tz’apib’al ja ri’. Eri b’anob’alil ri’ are la’ xb’an pa uq’ijol upatanexik ri Operacón Centinela pa Escuintla ri’, ri xtaq ub’anik rumal ri Ministerio rech Gobernación rech uq’atexik taq ri b’anoj k’ax ri’.
Eri wokajil ajchajinel ri’ xkib’ij eri puqtzukunem ri’ are la’ uwach ri b’anob’alil ri Q’ateb’al k’ax che ri xtaq ub’anik chi la’ k’ut rech uya’ik uchuq’ab’ ri chajinem pa amaq’ tinamit xuquje’ pa le banoj chajinem tzukunik pa taq tz’apib’al ja rech ri amaq’ tinamit.
Eri q’atb’al tzij xkib’ij che ri puqtzukunem ri’ are la’ katajin na chi la’ k’ut.