Pa le nimaja rech pa wokomja rachoch ri Taqawokaj Ya’olchajinem pa Amaq’ xb’an pawe q’ij 13 rech junio ri’ xya pa k’utem ri chakum chik kumal ri wokajilal pa le riqb’al ib’ ub’i’ Mesa Ampliada rech Prevención rech ri Conflictividad Electoral ri’. Rech taqim ub’anik jun puqchomanem rech kakub’isax le ub’anik kicha’ik ri winaqil pa kub’sib’al k’u’x pa le Uq’ijol Kich’aik K’ak’ Q’atb’al Tzij 2023 ri’.
Eri riqb’al ib’ ri’ are la’ xk’am ub’e rumal ri Ministro rech Gobernación ri’ ruk’ ri Nab’e Viceministro rech Seguridad xuquje’ ri Magistrados rech ri Tribunal Supremo Electoral (TSE) ri’.
Xuquje’ xek’ejeb’ chi’ rajchomanelab’ ri Programa rech Naciones Unidas rech ri Desarrollo (PNUD) ri’, rech ri Fondo rech Población rech ri Naciones Unidas (UNFPA) ri’, rech ONU Ixoqib’ rech ri Oficina rech ri Alto Comisionado rech ri Naciones Unidas rech ri Derechos Humanos (OACNUDH) ri’.
Eri Nimpatanel rech ri Taqawokaj Ya’olchajinem pa Amaq’ ri’ xub’ij che ri komonchak pa taqawokajilal are la’ xub’an nim upatan rech xch’ob’ik ri 20 chi tinamit che ri qas k’ulmam wi b’anoj k’ax ch’ojinik, are maja’, pa le q’ijol xuquje’ ok’owinaq chik ri nimcha’onik pa qatinamit.
Xuquje’ xb’antaj le rilik che ri puqchajinem kab’an ri’ pa komonchak ri’ rech kakub’isax kachajixik ri winaqilal pa le qij ri’ rech uq’atexik taq ri k’ax ch’ojinik pa le uq’ijol kicha’ik k’ak’ e k’amal b’e amaq’il.
Xuquje’ ketaq ri’ e 43 mil chi reqa’lenelab’ ri Wokajil Ajchajil Tinamit (PNC) rech kechajin pa taq ri delegaciones electorales xuquje’ pa taq ri centros rech votación rech pa qatinamit. “Xtaq ub’ixik chi ke ri wokajil ajchajil tinamit xuquje’ chi ke ri konojel ri uq’ab’il ri Ministerio rech Gobernación ri’ rech k’o jun utzilaj chak kakib’ano pa le uq’ijol ri Cha’onem K’ak’ Q’atb’al Tzij pa Amaq’” xcha’ ri nimtaqawokajnel.
Eri komonchak kumal ri taqawokajil kuk’ ri nimawokajilal rech nik’aj chik nimatinamit pa uwachulew sib’alaj xkik’ub’isaj ub’ixik che ri K’amq’ab’ chakunem ruk’ ri K’amal B’e Amaq’ Iximulew are tajin ruk’ pa nimasaqilemal xuquje’ yab’al uchuq’ab’il ri jikomal taqanem pa qatinamit.
Ri b’anoj komonchak pa wokajilal ri’
Rumal ri’, kojom ri Mesas rech Seguridad xuquje’ Reducción rech ri Conflictividad Social pa ub’eyal usaqil rulewal ri qatinamit, rch are kab’an uch’ob’ik rilik, rech kakojik jun uchomaxik xuquje’ jun uq’atexik ri b’anoj k’ax ch’ojinem pa taq le q’ijiol cha’onem pa Amaq’.
Eri riqb’alib’ are kab’an kumal ri jalajoj taq wokajilal ri e taqom chech ub’anik ri ya’olchajinem xuquje’ rech kanimax ri ub’anob’alil ri q’atol tzij pa uq’ijol ri cha’onem pa tinamit. Xuquje’ kek’ejeb’ chi’ ri Gobernadores Departamentales, Ajkate’ib’ xuquje’ kajk’amal b’e ri taqawokajilal pa tinamit.
Eri ya’olchajinem tzukunik ri’
Pa le q’ijol upatanexik ri Plan Operativo 05-2023 ri’ are kataqiik kachajixik pa kik’aslemal ri winaqilal ri’ ruk’ ri kijastaq ri winaqil k’olik, e k’o ajchajinel kechajin pa k’olib’al cha’onem ri’ xuquje’ kek’ejeb’ chi’ ri ajchajinel rech control interinstitucional ri’, rech kilik we man e k’ot winaq taqim kichapik ke’opan ri’, rech kilik we man keqam taq Itzel jastaq rech b’anob’al k’ax pa tinamit ri’.
Xuquje’ eri Unidad Aérea rech ri Ministerio rech Gobernación (Unagob) kub’an puqchajinem chi rij taq kejach’ich’ xuquje’ kopan che chajinem pa taq k’olib’al tinamit ri k’ax ri okem chi la’, rech kilik man k’ot b’anoj k’ax kab’an tane’ xuquje’ rech k’o jun utzilaj chajinem nimanik kakib’an pawe q’ij rech cha’onem pa tinamit.