Eri K’amal b’e rech Estados Unidos rech América pa le tz’ib’am tzij xya’ utzijol xb’an ub’ixik che xukoj che itzelalaj taq winaq kexib’ib’anik nik’aj ri nik’aj molaj b’anol k’ax kib’i’ “Le Lorenzanas”, “Le Huistas”, xuquje’ “Le Mendoza”, ri kub kub’ij k’o kiwach kuk’ nik’aj molaj e’ajk’ayin awan kunb’al mexicanos, ri ketob’anik pa taq ri q’axenik awan kunb’al xuquje’ rech kakik’am b’i pa k’ayij naj rech kakiya’o kipwaq ri terrorismo xuquje’ ri nuk’molaj b’anol k’ax ri’.
Eri tz’ib’am tzij kub’ij che ri Departamento rech Estado ri xe’ukoj “Los Lorenzanas” e taq winaq, rumal e’are ri jun molaj ri’ kakib’an ri k’ax chi ke taq ri winaqil, chi ke ajpatanel pa taq tinamit, xuquje’ chi ke ri ri wokajil ajchajin tinamit rech Iximulew, rumal ri’ e’are ri’ jun Organización Terrorista Extranjera (FTO) xuquje’ e’are ri Terrorista Global Especialmente Designado (SDGT) ri’. Rumal k’u ri’ eri Departamento rech ri Tesoro ri’, xe’ukoj “Le Huistas”, le “Mendoza” che e’itzel taq b’anol k’ax, rumal e’are ketob’anik che pwaq jastaq chi ke ri carteles mexicanos, rumal ri’ xekoj che e’itzel taq b’anol k’ax rumal ri Estados Unidos.
Ka’ pa we q’ij ri’, eri kijastaq ri winaq kekoj che itzelalaj taq winaq rumal EE.UU., ri e k’o pa kaq’ab’ estadounidense kaq’atexik kiwach xuquje’ eri Oficina rech Control rech Bienes Estranjeros (OFAC). Xuquje’ xapa’ wokajil ajchoq’e le winaq ri q’atim kiwach, xuquje’ kaq’ataj pa ronojel kiwach ri’.
Eri pixab’ ri’ xek’am b’i junam ruk’ ri urox sección 219 rech ri Taqanik chi rij ri Q’axem pa jun Chik Tinamit xuquje’ ri Winaqilal ub’i’ Inmigración xuquje’ Nacionalidad, ri Taqanik rech ri K’amal B’e (OE) 13224, ri k’exom chik, xuquje’ ri OE 14059. Ri ukojik kib’i’ ri FTO kamajij ukojik are chi’ katz’ib’ax pa le Registro Federal.
