Eri tzijob’enik pa amaq’el chi kuwach taq ri taqawokajil kuya uchuq’ab’ ri b’anow chajinem kumal ri wokajil ajchain tinamit xuquje’ are katob’anik rech pa suk’ilal kekoj ri chakub’al jastaq pa tinamit.
Eri q’atb’al tzij rech ri Ministerio rech Gobernación (Mingob) sib’alaj katajin che uq’atexik ri b’anow k’ax, ri molaj e’ajb’anol k’ax xuquje’ rech ub’anik ri chajinem pa tinamit. Rumal ri’ ketajin pa riqon ib’ chomanem chi rij rilik retaxik ri upatanib’al ri cholchajinem b’anom kumal taq ri wokajil e’ajchajin tinamit ri’. Pa taq le riqon ib’ ri’ xk’oji ri k’amal b’e rech ri Taqawokajil Japache’ Tz’apib’al, Jorge López Dellachiessa; ri k’amal b’e rech ri Wokajil Ajchajin Tinamit ub’i’ (PNC), David Custodio Boteo; ri k’amal b’e rech ri PNC, Héctor Prera, kuk’ nik’aj chik rajpatanel ri taqawokajil ri’.
Xuquje’ xb’an utzijob’exik uwach taq ri cholchak rech ri suk’umalil xuquje’ rech ukojik ri k’ak’ taqanem tzij pa Taqawokajil Japache’ Tz’apib’al, xuquje’ eri winaq e tz’apilik xek’am b’i pa taq nik’aj chik tz’apib’alil, xb’an k’ut ri tzukunem pa japache’ ri’ xuquje’ xb’an ri nimachajinem tzukunik pa wokajil japache’.
Eri xb’an pa aninaqil
Xb’an uch’ob’ik ri b’anow kemonchak kumal ri e’ajchajin tinamit kuk’ ri e’ajchajin amaq’ ri’ rech katerne’xik ub’anik tq ri puqtzukunem chajinik pa taq ri wokja k’olib’alil che ri qas kak’ulmataj wi ri b’anow taq k’ax xuquje’ pa taq tinamit. Eri b’anow tzukunem ri’ are kuya uchuq’ab’ ropanib’al uq’ab’ ri Amaq’ chi’, rech kaq’atexik taq ri k’axk’onik xuquje’ rech kab’an kaq’atexik juntir nik’aj molaj e’ajb’anol k’ax ri’.
Ruk’ ri b’anow kemonchak ri’, eri Ministerio rech Gobernación tajin kuterne’j ub’anik ri chajinem xuquje’ nima kemonchak kumal taq ri uq’ab’ taqawokajilal rech qastzij b’a’ kakib’an pa suk’ilal ri chajinem pa amaq’ tinamit.