Are taqim b’a’ usolixik ujalik uwach ri japache’ ub’i’ Centro rech Alta Seguridad Canadá “El Infiernito”, Escuintla, kamik le K’amal B’e Amaq’, Bernardo Arévalo xuquje’ le Ministro rech Gobernación, Francisco Jiménez xkib’an jun nim usolixik ri chak rech jalib’al uwach ri japache’ ri sib’alaj chajital ri’. chi’ are jun xopanik le viceministra rech Seguridad, Claudia Palencia; le Viceministro Antinarcótico, Werner Ovalle, xuquje le K’amal B’e rech ri Sistema Penitenciario, Sergio Vela are le rajawchak rech uyakik ri wokom ja ri’.
Eri K’amal B’e xuya’ ub’ixik che ri winaq e tz’apilik “xa’ e k’o pa uxlanik le kilik. Xkichap uwach ri japache’ ri’, rech xkimaj loq ub’anik ri k’ayin awan jastaq chi’. Jeri’ xkib’ano rumal ri juntir ri q’ub’an elaq’ xkib’an pa wokajil ri’. Rumal ri’ sib’alaj xmajtaj ub’anik uk’exik uwach ri’, rech kachajixik ri e Itzel taq b’anol k’ax che ri e tz’apilik”.
Eri Taqawokajnel rech ri Ya’olchajinem pa Amaq’, Francisco Jiménez, xkub’isaj ub’ixik che pa le japache’ ri’ xkriqitaj wi loq Q284 mil awam pa uwoxan chi’. Xuquje’ xriqitajik chi k’o k’aqb’alil, awan kunab’al, jastaq puch’b’al ruk’ nik’aj chik jastaq xriqitaj chi’. Eri jastaq xriqitaj ri’ rumal xb’an le rilik pa taq escáneres rech nim tob’kemchakub’al.
Are chi’ xk’is ub’anik ri chak rech jalib’al ri japache’, e k’o tob’chakub’al xkoj chi upam ri’, rech man k’ot chik awan kunab’al kaq’ax chi’. Xuquje’ e k’o ajchajinelab’ xekoj pa chajinem chi’, ri k’o utz taq chakub’al kakikoj pa le japache’. K’o k’ak’ katz’iyaqb’al kakikoj ri’. Eri kasolinik chi’ ri q’atb’al tzij k’o jun nimalaj upatanib’al rech kab’an le rilik uchomaxik ri k’ak’ chak che ri kab’an pa le nimaja rachoch japache’ sib’alaj chajitalik.