Eri Ministro rech Gobernación, Buron René Bor Illescas xuquje’ ri K’amal B’e rech ri Wokajil Ajchajil Tinamit (PNC), Adal Rodríguez Najarro, xkimol kib’ pa jun chomanik kuk’ ri taqanelab’ rech rech taq wokaj chajinem pa tinamit, rech xkichomaj b’anoj chajinem uq’alik k’ax chi uwach qaj, pa le nimaq’ij xuquje’ ok’owinaq ri nimaq’ij rech pa k’isb’al junab’. Eri b’anoj ya’olchajinem ri’ are la’ taqim ub’anik pa le plan 47-2023. Rumal ri’ xesik’ixik ri winaqilal rech xb’an chi ke kakilo b’a we utz ri chak kakib’an ri e ajchajil tinamit, rumal ri’, xub’ij che ruk’ wa’ are kaya uchuq’ab’ ri wokajil ajchajil tinamit.

Eri taqawokajnel rech ri Ya’olchajinem pa Amaq’ xub’ij che ri ajchajinelab’ rech puqchajinem kuk’ ri kechakun pa chakuja e k’o pa ya’olchajinem pa amaq’el. “Eri uxlanib’al ri’ are kaq’al ri’; rumal k’ut tajinm ub’anik ri chajinem rech kopan ri nimaq’ij rech ok’owinaq chik ri nimaq’ij rech pa k’isb’al junab’.
Na’til b’a che ri uj kujriqitaj che chajinem chi ke ri winaqilal”, xcha’.

Eri nim patanel ri’ xub’ij chi ke ri winaqil pa tinamit rech chakib’ij b’a’ we e k’o ajchajinel rech ri PNC we k’o ri k’ax kakib’an ri’. Eri b’iw ub’ixik loq are la’ pa le ch’aweb’alil 1518 xuquje’ pa le Inspectoría General.

Pa le 11 rech diciembre ri’, eri q’atb’al tzij rech ri Ministerio rech Gobernación (Mingo) xkib’ij k’ut e k’o 43 mil chi ajchajinelab’ keriqitaj pa ya’olchajinem pa taq tinamit. Eri a ajchajil tinamit kechajin k’ut rumal kaya kipwaqil (aguinaldo) ri ajchajinelab’ rumal ri’ qas kab’an ya’olchajinem pa taq rachoch ja k’olme’r, pa taq kuxlanib’al winaq, pa taq nim k’ayib’al, pa taq cajeros automáticos, pa kitak’alib’al ch’ich rech ereb’al winaq xuquje’ pa nik’aj chik k’olibem che ri ke’opan wi e k’i winaqilal.

Ri cholchajinem ri’ are la’ uwach ri ub’e’al chajinik taqom ub’anik rumal ri K’amal B’e Amaq’ pa reqele’n ri Ministerio rech Gobernación rech ya’ik uchuq’ab’ ri chajinem pa tinamit pa le nimaq’ij rech k’isb’al junab’ ri’.