Eri komon chajinem xb’antaj kumal ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC), kumal ri ri Wokajil Ajchajil Amaq’ Iximulew xuquje’ rumal ri Ministerio Público ri’ (MP) are xub’an ri’ xtulisaxik wuqub’ chi k’olib’al rech kiqajib’al ri xik’ach’ich’ che ri kojom kumal ri narcotráfico pa rulewal upeteb’al kaqiq’ pa amaq’il.
Eri komon b’anoj chajinem tzukunik pa wokajil ri’ are xb’an pa 11 pa 16 rech septiembre rech pa junab’, chi la’ pa taq le juyub’abl rech Sayaxché, La Libertad xuquje’ pa El Chal, Petén ri’, xuquje’ chi la’ pa Cobán, Alta Verapaz ri’. rech xtaqixik utulusaxik kiqajib’al ri xik’ach’ich’ ri’ rech awan kunab’al xuquje’ pa rulewal tinamit rech aj iximulew.
Pa le utulisaxik ri kiqajib’al ri xik’ach’ich’ ri’, eri reqa’lenel antinarcóticos, ri q’atol tzij xuquje’ ri e ajchajil amaq’il xkik’ot uwach taq ri’ rech te k’u ri’ xkipoq’isaj uwach ri’. Eri komon chakunem ri’ are sib’alaj katob’anik rech kakub’isax ri b’anoj chajinem winaqilal xuquje’ rech uq’atexik taq ri b’anoj k’ax pa taq ri tinamit.
Rumal ri’ ruk’ wa’ xb’antaj kowonem xunimax uwach ri xutaq ub’anik rumal ri K’amal B’e rech Iximulew pa le kaq’atexik ri narcotráfico xuquje’ ri nuk’wokaj pa useteb’al rulewal taq ri nimatinamit. ri komonchak ri’ are la’ xb’antaj kumal ri Ministerio rech Gobernación (Mingob) xuquje’ rumal ri Ministerio rech ri Defensa Nacional (MDN) are la’ k’o jun upatanib’al rech utz chakunem q’atenik xb’antaj ri’.