Rech kataqixik unab’ejsaxik uq’atexik b’anow k’ax ri’ pa le Awas Q’ij Chajim Q’ij ri’, eri unidades especializadas rech ri Wokajil Ajchajin Tinamit (PNC) xkib’an le jun cholchajinem puqtzukunik rech kachomaxik ri chajinem rajawaxik chi ke ri winaqilal pa taq le nimaq’ij rech taq ub’anikil xuquje’ ruk’ ri b’anob’alil telen rachib’al tyox ch’ab’al ri’.
Rumal ri’, rech qas kab’an upatanexik ri cholchak ri’, eri q’atb’al tzij rech ri Ministerio rech Gobernación (Mingob); rumal ri Ministerio rech Cultura xuquje’ Deportes (MCD) ri’ xuquje’ rumal ri Gobernación Departamental rech Iximuelew ri’ pawe q’ij kamik xkimol kib’ rech chomab’al chak rech nim kataqixik ub’anik ri upataneixik pawe q’ij ri’. Pa le riqon ib’ xkichomaj unab’ejsaxik uq’atexik taq b’anoj k’ax ri’ xuquje rech kab’an ri k’ak’ uwi b’anow chajinem ri’, rech kejipixik pa chajinem ri reqa’lenelab’ ri PNC pa taq ri telen rachib’al tyox ri’ xuquje’ pa tinamit ri’.
Eri b’anowem ri’ are la’ xk’am ub’e upatanexik rumal ri viceministro rech Seguridad, Roberto Solórzano ri’; ri viceministro rech Cultura, Rodrigo Carrillo ri’, xuquje’ ri gobernador departamental rech Uk’u’x Nimatinamit Iximulew, Mauricio Bernard ri’. Xuquje’ are jun xk’oji ri’ ri k’amal b’e rech ri PNC, David Custodio Boteo xuquje’ ri k’amal b’e rech ri Sistema Penitenciario, Jorge López Dellachiessa ri’.
Eri Viceministro Solórzano ri’ junam uch’ob’ik xub’an ri are chi rij ri upatanib’al rech kachakuxik ri cholchak ri’ pa taq le nimaq’ij rech Awas Q’ij Chajim Q’ij ri’. Eri gobernador departamental sib’alaj xub’ij che k’o nim upatan ri b’anow puqtzukunem kumal ri fuerza de tarea ri’ pa le awas chajim q’ij ri’. Sib’alaj xub’ij chi k’o nim upatanib’al rech e’are jun ri kemon ajchajinelab’ rech ri Ministerio rech Cultura xuquje’ Deportes rech kakib’an uya’ik ri cholchak pa winaqilal pa tinamit, pa le b’anow kemonchak kumal le coordinación interinstitucional kuk’ ri PNC xuquje’ kuk’ ri wokaj e’ajtob’anelab’ e’ajilonel ri’ rech nab’ejsab’al uq’atexik taq ri k’ax pa taq le nimaq’ij ri’.
Pa le riqonem ri’, eri q’atb’al tzij xkijach uwach ri b’anoj kemonchak rech nab’ejsab’al uq’atexik ri k’ax ri’, pa le kachajixik ri winaqilal xuquje’ rech ri ilob’alil pa le q’ij ri’ che ri kakiriqo wi kib’ ri winaqilal. Eri b’anow chajinem ri’ are la’ rech kuya nim uchuq’ab’ ri b’anow chajinem winaqilal pa saqilal xuquje’ ruk’ pa saqilem ub’anik xuquje’ pa kemonchak pa taqawokajil pa ronojel rulewal amaq’ tinamit ri’.