Eri q’atb’altzij rech ri Wokajil Japache’ xkimaj b’anoj tzukunem pa japache’

Eri xkitaq ub’anik ri K’amal b’e Amaq’, Alejandro Giammattei, ruk’ ri Ministro rech Gobernación Edgar Godoy xuquje’ ri Viceministro rech Seguridad Gendri Reyes, we kamik ri’ xkimaj ub’anik tzukunem pa le Japache’ rech Pavón, ri k’o Fraijanes, are rech taqim ri jikom ya’olchajinik chi’.

E reqa’lenel ri Sistema Penitenciarios rech ri Fuerza Elite, ri División Especializada rech Investigación Criminal (DEIC), ri Fuerzas Especiales rech ri Wokajil Ajchajil Tinamit (PNC) xuquje’ ri q’atol tzij rech ri Ministerio Público (MP) xikimaj ri b’anoj tzukunem ri’ pa taq le sectores 8A xuquje’ 8B, chi’ k’u ri’ xeraqataj wi: k’olob’ ch’ich’ rech internet, chips rech ch’awib’alil xuquje’ ch’awib’alil e awam pa taq ch’ich’ k’olib’alil ri’.

Eri k’amal b’e rech ri Sistema Penitenciario, Jorge Flores, xub’ij che xmajtaj chi b’i ri b’anoj tzukunem pa taq le japache’ ri’ rech k’o jun k’ak’ b’anikil kab’an kuk’ ri ajpache’ chi’.

Wari’ are utaqim kaq’atexik nik’aj molaj b’anol k’ax chi’ che ri k’o toq’inik pwaq kakib’an chi ke winaq e ajchak pa taq le wokja xuquje’ pa taq tinamit ri’ xcha’ ri ajpatanel ri’.