Rumal ri tob’al kib’ kikojom ri reqa’lenel ri Wokajil Ajchajil Tinamit (PNC), xtaqataj jun ajchajil tinamit kumal nik’aj b’anol k’ax paq’ij kamik, chinaqaj ri Hospital General San Juan de Dios, zona 1 rech nimatinamit Iximulew. Chi la’ chinaqaj ri ja rech ke’ukunaj winaq ri’, chi la’ xek’aq xkik’aq wi keb’ b’anol k’ax, ri k’a te xkik’aq jun achi chi la’.
Chi la’ pa le 1ª avenida xuquje’ 8ª calle, rech ri zona 1, chi la’ k’ut xeq’atexik wi ri keb’ b’anol k’ax kib’i’ a Jeyson Ulises Clavaria Morales, rech 25 ujunab’ xuquje’ Édgar Leonel Cotom Argueta, 24 ujunab’, are are k’ut pa aninaqil xe’ilik rumal xesakataj chi ka’qb’al, rumal e are xkib’an ri jun k’aqanik, rech te k’u ri’ kek’am b’i pa q’atb’al Tzij.
Rumal eri q’atb’al Tzij rech ri PNC xetaqon ri’ rech kikojom tob’a kij ri e ajchajil tinamit are chi’ keb’e pa taq ri puqchajinem che rajwaxik kikojom ri tob’ab’al ri’. Eri q’atb’al Tzij rech ri Ministerio rech Gobernación (Mingob) xuquje’ ri rajtaqanl ri PNC, pa le 6 rech junio kanoq, xkiya’o 20 mil chi chalecos rech tob’ab’al kij ri ajchajinelab’ tinamit. Eri b’anonem ri’ are la’ xb’antajik rech taqim uto’ik kij ri ajchajinelab’ ruk’ taq ri tob’ab’al ij ri’, paq’ij kamik eri jun ajchajinel ri’ xto’tajik uk’aslemal man xkam taj rumal ukojom ri tob’ab’al rij ri’ pa le ya’olchajinem pa tinamit.