Eri reqa’lenel rech uwokajil ri Ministerio rech Gobernación (Mingob) xetijox chi rij rilik “Ri k’ax itzelal kab’an chi ke ri winaqil rech kaq’atexik ri’” rumal al Vitalina González, rajtijonel ri Secretaría rech ri Violencia Sexual, Explotación, rech Trata rech Personas (SVET) ri’.

Ruk’ wa’ are katzukux kapixb’exik ri kachalal xuquje’ ri winaqilab’ rech maj jun kub’an ch’ayonik, sakonem tech’enik ri kuya q’ub’am k’ax kanima’ ri taq ak’alab’, taq ala taq ali xuquje’ e ab’om alitom, ixoqib’ xuquje’ achijab’ ri’.

Eri González xub’ij, eri uwach taq ri k’ax itzelal are ri’: ri ma utz no’jib’al, yoq’onem ch’ayonik kab’an chi ke ri ixoqib’, ak’alab’ xuquje’ e q’apoj ab’om alitom, ri kakiriq k’ax chi ke ri kajil katz’aqat ri’, kumal taq kachib’il, winaq keta’m kuwach, xuquje’ kumal winaq man keta’m ta kuwach.

Eri viceministra rech Q’atenik K’ax, Mayda De León, xub’ij  chi k’o nim upatan sib’alaj ketijoxik ri rajchak ri Mingob rech pa amaq’el ketijox chi rij q’atenik b’anoj k’ax itzelal chi ke ri winaq, rumal k’ut eri k’ax ri’ rajawaxik pa amaq’el kaq’atexik rech kub’an ta chik k’ax che ri Kino’jib’al kijolom ri winaqil.

“Rajawaxik kab’an uq’atexik ri k’ax rech man ketaqataj ri ak’alab’ ri q’apoj ab’om alitom rumal ri’, rajawaxik pa amaq’el kaqaq’atij ri b’anoj k’ax ri’”, xcha’.

Xuquje’ ri reqa’lenel ri PNC

Xuquje’, eri reqa’lenel ri Wokajil Ajchajil Tinamit (PNC) xek’uttijoxik, rumal are uwach ri nima pixb’enik q’atenik ri b’iw b’ixik ri’ rech umajik ri tzukunem chi rij ruk’ ri Ministerio Público (MP).

Rumal ri’ ya’tal panoq le 110 rech ri PNC rech kakib’ij loq ri winaq chi’ ri k’ax itzelb’anik chi ke ri winaqilal ri’.