Are taqim ya’ik uchuq’ab’il ri komonchak chi kuwach ri taqawokajil niman tinamit kuk’ ri wokajil k’o ajchoq’e pa le b’anoj chajinem, kimik xb’an jun riqonem rech xchomaxik ri b’anoj chak kumal ri q’atb’al tzij rech ri Ministerio rech Gobernación (Mingob) kuk’ ri Komon k’amal B’e rech ri Cámara rech Comercio xuquje’ Industria Guatemalteco Mexicana (CAMEX) ri’.
Eri Ministro rech Gobernación, Francisco Jiménez, ri are xub’ij, chi k’o nimalaj upatan ri b’anoj riqonem ri’ rech kaya’ik uchuq’ab’ ri tzijolil tzijob’enem ri’, rech kab’an ri utzijonb’alil, rech kab’an ya’ik uchuq’ab’ ri chajinem pa k’ulb’a’t juyub’ rumal ri Iximulew ruk’ México.
Eri Viceministra rech Antinarcóticos xuquje’ Seguridad Fronteriza, Claudia Palencia, xuya utzijol ri chak b’anom chik rech chajinem winaqil xuquje’ pa k’ulb’a’til, jeri’ eri ub’anik richajinem ri’ are rech katerne’x ub’anik uq’atexik taq ri b’anoj taq k’ax pa le k’ulb’a’t juyub’ k’o chi kuxo’l ri keb’ taq nimatinamit ri’.
Pa le riqonem ib’, eri rajchomanelab’ ri CAMEX xuquje’ xkiya uq’ij ri chak b’anom rumal ri Taqawokajnem Ya’olchajinik pa Amaq’ rech pa le kaq’atexik ri nuk’molaj b’anoj k’ax pa taq ri nimatinamit ri’ xuquje’ rech ya’ik uchuq’ab’ ri chajinem pa taq ri k’ulb’a’til pa rulewal ri qatinamit.