Are wa’ uwach ri b’anob’alil uk’exik uwach uchuq’ab’ ri chajinem, rumal ri’ le ministro rech Gobernación, Marco Antonio Villeda, xopanik xusolij ri yakon rachoch ri k’ak’ uk’olib’alil ri Comisaría 15 rech ri Wokajil Ajchajin Tinamit (PNC), k’o pa le k’olib’alil rech El Frutal, Villa Nueva, rech Nimatinamit Iximulew.

Eri cholchak are rech kanimarisaxik uwach ri b’anoj chajinem xuquje’ rech kaya’ik uchuq’ab’ ri b’anob’alil chajinem winaqilal pa uq’ab’ taq tinamit rech Villa Nueva, San Miguel Petapa, Amatitlán xuquje’ Villa Canales, pa ub’anik utzilal chi ke ri 800 mil chi winaqilal pa le rulewal taq tinamit ri’. Pa le ub’ik ri’, le nim patanel, e rachi’l b’i le ajtaqoninelab’ rech ri PNC, pa xub’an wi le rilik le nim yakon nimaja ri’, ri nim upam ri ke’uq’i’ wi e 700 chi eqa’lenelab’ chajin tinamit. Eri nimaja ri’ k’o 78 chi k’olib’alil chi upam rech ketak’ib’ wi ri ch’ich’ xuquje’ rech kakiriqo wi kib’ k’ilaj taq uwokajilal e’ajeqa’lenel ri’, ruk’ ri chajinem ilonik chi ke ri winaqilal ri’.

Eri Villeda sib’alaj xub’ij che ri nimaja wonob’am kanoq k’a pa 2009; k’ate kanoq xmajtaj pa jumul chik usuk’umaxik uwach xuquje’ rech are la’ kakoj pa le kachajixik ri winaqilal ri’.
Xub’ij k’ut eri cholchak ri’ are rech kaloq’axi ri kipatan ri e’ajchajin tinamit, pa le uyakik ri kachoch ri sib’alaj utz rech kechajin wi ri e’ajchajinel ri’.

Jeri’, xuya utzijol che ri k’ak’ rachoch chajinem ri’ are la’ kajaq uwach pa septiembre petinaq ri’.  Ruk’ ri jaqib’al uwach ri nimaja ri’, eri Amaq’ ri’ kutoj na ri’ jun nim q’inomal pwaq chi junab’ taq chi rij rech tob’al qajib’al rech ri’.

Eri ministro xuquje’ xub’ij ch eri rachoch k’olib’al chajinem ri’ chi’ qas kek’oji wi k’ilaj taq uq’ab’il ri PNC che pawe q’ij kechajin wi pa le uq’ab’ tinamit ri’, are la’ kuya uchuq’ab’il ri puqtzukunem chajinik kumal ajchajin tinamit rech utz b’a’ kab’an wi le kilik ri winaqilal ri’.