Rech kaya uchuq’ab’ ri b’anoj tzukno’jchak ri’, eri Subdirección General rech Investigación Criminal, (SGIC), rech ri Wokajil Ajchajin Tinamit (PNC), xukoj ri wujil rech k’amoj ub’e ri tzukno’jchak chi rij taq ri k’ax b’anom, are chokonsab’al rajawaxxik che ri kakoj ri’ pa ya’ik uchuq’ab’ b’anoj tob’anem pa b’anoj tzukno’jchak chi rij taq ri k’ax b’anom.
Eri Ministro rech Gobernación, Francisco Jiménez, sib’alaj xub’ij chi k’o nim upatanib’al we jun wujil rech k’amoj ub’e eta’manem, pa jikom katijoxik ri k’ak’ wokajil kuwach e’ajchajin tinamt rech pa uq’atexik taq ri k’ax. Eri uwach ri b’anoj solwachinem tzukno’jchak chi rij taq ri k’ax, are ri rajawaxik rech kakoj pa ri chak, pa le uch’ob’ik xuquje’ pa q’atol tzij suk’umalil, are rech katoq’axik ri cholchakunik xuquje’ ri b’anoj q’atenik q’alanem. Are wa’ jun chakub’al ilom taj uwach pa le k’aslemam kichak ri e’ajchajin tinamit, are ri nab’e pa ub’antajil, ke’ukoj tzukunelab’ rech kakib’an utz che ri b’anoj tzukno’jchak chi rij taq ri k’ax b’anom, kutikib’a uwach pa junamamil ucholaj ri b’anoj ch’ob’oj solwachinem reta’maxik ri’.
Xuquje’ eri Taqawokajnel rech ri Ya’olchajinem pa Amaq’, sib’alaj xuya ub’ixik che ri b’anoj uch’ob’ik ri tzukno’jchak chi rij taq ri k’ax, are ri’ jun nimachak tajin ub’anik rummal ri wokom k’amal b’e nimatinamit, “rumal k’ut are kunab’ejsaj uq’alajisaxik ri k’ax ri’ rech b’a’ kab’an jun utz uq’atexik ri’”.
Rumal ri’, eri Viceministro rech Seguridad, José Portillo, xub’ij chewe wujil ri’ are jun k’utb’al ub’e ub’anik ri ch’ob’oj reta’maxik ub’antajil ri k’ax ri’ are kuya uchuq’ab’ ri tob’chakub’al chi ke ri e’ajchajin tinamit, ri rajawaxik chi ke ri k’ak’ taq winaqilal.
Rumal ri’, eri K’amal B’e rech ri PNC, David Custodio Boteo, sib’alaj xub’ij chewe jun wujil k’utb’al ub’e ub’anik rech ri jun nimachak, ri xuk’am ri katob’anik ri jalajoj taq Wokajilal, rech kab’an suk’ilaj unimaxik xuquje’ rech kachakux b’a’ kimik. Eri jun chakub’al ri’ are xq’at pa taqanawuj ri’ jacha tane’ jun nim tob’anik rajawaxik pa le b’anoj tzukno’jchak pa Iximulew.
Pa k’isb’alil eri subdirector General rech Investigación Criminal (PNC), Edis Ariel Fabián Hernández, xub’ij, chewe wujil k’utb’al ub’anik ri q’alajisaxik, pa usuk’ilal xuquje’ pa wokajil komonchak, are qas kakoj ri’ rech ri k’utb’al reta’maxik chajin tinamit xuquje’ rech kuya uchuq’ab’ ri b’anoj taq tzukunem uq’alajisaxik, xuquje’ rech kuya pa retalil ub’anik ri junamamil b’anoj suk’ilal ri’.