Eri uwach ri b’anowem ri’ are la’ rech kaya uchuq’ab’ ri Wokajil Japache’ ri’ xuquje’ rech kab’an k’ak’ taqanem pa le wokajil q’atow tzij, ri Ministerio rech Gobernación, pa kemonchak ruk’ ri Instituto Nacional rech Ciencias Forenses rech Guatemala (INACIF), xjaqataj uwach ri Clínica Forense pa le Granja rech Rehabilitación Cantel, ri ukab’ xjaqataj uwach ri’ pa le jun japache’ tz’apib’al pa 2026 ri’.
Eri k’ak’ rachoch japache’ tz’apib’al ri’ chi upam kab’an le rilik kich’akul kaminaqib’ pa le rachoch japache’ tz’apib’al, are rech e k’i taq chik ri winaq e’ajpache’ keq’axexik tane’, rech kab’an utzilal che ukojik ri chakub’al rech chajib’al ri’ xuquje’ rech katoq’axik ub’anik ri ilonem rajawaxik kumal taq ri q’atb’al tzij xuquje’ ri Ministerio Público.
Le jaqib’al uwacch ri’ are la’ xnab’ejsax ub’anik rumal ri viceministro rech Seguridad, Roberto Solórzano ri’; rumal ri k’amal b’e rech ri Sistema Penitenciario, Jorge López Dellachiessa ri’; rumal ri k’amal b’e rech no’jchakunem ri’ rech ri INACIF, Edwin Salazar, ri kab’ixik chi k’o nim upatanib’al ri kemonchak kumal ri taqawokajilal ri’ rech ya’ik uchuq’ab’ ub’anik uchakunik ri wokajil q’atow tzij rech sib’alaj utz, kub’al k’u’x xuquje’ rech k’ak’ ub’anik kab’anik.
Eri clínica ri’ are kutun rib’ ri xkoj kanoq pa junab’ir pa le japache’ tz’apib’al rech Salamá, Baja Verapaz, are uwach ri’ ri b’anob’al uno’jixik rech ya’el uchuq’ab’ ri puqtzukunem uchakunik ri Japache’ Tz’apib’al ri’ xuquje’ rech ri wokajil q’atb’al tzij pa le no’jb’anem chak pa taq le rachoch japache’ tz’apib’al.
Ruk’ ri uwach cholchak ri’, eri K’amal B’e Taqawokaj Amaq’ Iximulew sib’alaj xkikub’isaj ub’ixik che ri kipatan ri’ are rech kakib’an ri ch’ob’om chajinem pa ya’el uchuq’ab’ ri wokajilal, ri k’ak’ yakonem nimaja rech rachoch ri japache’ tz’apib’al xuquje’ rech ri uwokik kumal taq ri wokajilal rech ri Amaq’ rech kakub’isaxik utoq’axik ub’anik, pa saqilal xuquje’ pa b’anik utzilem chajinik chi ke ri winaqil pa amaq’ tinamit.