Pa le uq’ijol ri na’tib’al waqk’al (125) junab’ chik kaminaq ri loq’alaj achi aj iximulew je’ltzij ub’anikil ub’i’ a Ismael Cerna, eri k’amal b’e Amaq’, Bernardo Arévalo, ruk’ ri ministro rech gobernación, Marco Antonio Villeda, xetatb’enik pa jun nim ulab’al tzij xb’an chi uwach ri Q’atb’al Tzij rech Chiquimula ri’.
Pa le ilob’anem ri’, le ministro Villeda sib’alaj xub’ij che ri no’jk’aslemal are ri’ le jun loq’ chakub’al k’o nim upatanib’al pa uq’atexik taq ri k’ax ri’. Chi’ k’u ri’, sib’alaj wi che ri kemon winaqilal kesuk’ij no’jwujilal, kutijoj rib’, kuch’ob’ uq’ij ub’anikil utzijil xuquje’ are la’ kuya uchuq’ab’ ri uk’aslemalil ri kemon winaqilal pa tinamit rech kawok uwach ri joremal xuquje’ ri k’axk’olil ri’.
Jeri’ sib’alaj xuya utzijol che ri ya’ochajinem man xaq ta ri’ kab’an ri puqtzukunik, ri chajinem kumal ajchain tinamit, ri puqtzukunem ri’ ri b’anow chajininik ri’. Pane’ b’a’ are rajawaxik, sib’alaj xub’ij k’ut eri chajinem xane’ are la’ kab’an k’a pa taq tijob’al, k’a pa taq kachoch winaq xuquje’ k’a pa katinamit ri winaqilal.
Eri taqawokajnel rech Gobernación ri’ xub’ij k’ut eri Taqawokajil ri’ are la’ kutoq’ij ub’anik ri chajinem pa ronojelil uwach ri’, rech katob’ik, rech kuq’atij ri k’ax, rech katijonik, rech ketatb’en ri winaqil xuquje’ rech kaya nim uchuq’ab’ ri tinamit winaqilal jeri’ rech qas katak’ab’ax ub’anik taq ri wokajilal rech kub’an kub’al k’u’x ri’.
Pa le ilob’anew ri’ xetatb’enik ri taqawokajnel rech ri Cultura xuquje’ Deportes, a Luis Méndez Salinas ri’; ri gobernador departamental rech Chiquimula, a Luis Alberto Compá Martínez ri’; ri ajkalte rech tinamit, a José René Pinto ri’; kuk’ ri winaqilal xesik’ixik kuk’ ri nik’aj chik. Are uwach ri na’tib’alib’al ri’, k’o no’jsik’wuj xejach k’ut ri tz’ib’am uwach taq rumal le ajtzijonel Ismael Cerna ri’.