Eri rajchak ri Ministerio rech Gobernación (Mingob) sib’alaj xkiya uchuq’ab’ ri ub’anik ri cholchak rech cholb’al tz’ib’atalil (software) pa le ukojik ri ub’anikil k’ak’ kemechakub’al ub’i’ “Git & GitLab Profesional” ri’. Eri chakub’al ri’ rech kuk’utunsaj retal tz’ib’atalil, rech kak’oji jun nuk’ulib’al tzij rech kub’an k’ak’ k’olib’alil xuquje’ rech pa aninaqil kub’an kuchakuj uwach pa wokajil rech taq uq’ab’il ri taqawokajnem ri’.
Eri viceministra rech Tecnología rech ri Tzijolinem xuquje’ ri Tzijob’elil, Karen Ortiz, are xumaj ub’anik utz’apixik ri tijonik ri’, pa le sib’alaj xub’ij che ri eqale’n katijoxik ri e’ajchak are jun qapatan chi ke. Sib’alaj xub’ij chi k’o nim upatanik rech keta’maxik ri’ rech utz ub’anik ri kichak kakib’an pa le taqawokajnem.
Rumal ri’, eri Mario Soliz, ajeta’manel xtijonik pa le tijonem ri’, ri are sib’alaj xub’ij che ri tijoninem ri’ kuya’o ri utz chakub’alil chi ke ri wokaj e’ajchakunelab’ rech kanimar uch’ob’ik ub’anik ri kichak, rech kakijipij ub’ixik ri retal tz’ib’atalil pa kub’al k’u’x, xuquje’ eri tz’ib’atalil cholb’al rech utz b’a’ ukojik kab’anik. “Nab’e kanoq che kaq’ab’ kakik’exo uwach ri jun kematz’ib’alinem ri’, pa we q’ij kamik pa tuke’lil chik kakib’an ri’”, xcha’.
Eri cholq’axb’al tz’ib’atalil xuquje’ kub’an chi ke ri wokaj chakub’al rech ri taqawokajnel rech kakib’an utz chech ub’anik ri kichakunik, le utunik uwach ri tzijolinem kuterne’j ub’anik pa amaq’el ri’ rech pa le uk’exik wene’ rech kakojik jun k’ak’ tzijolib’al ri’, rech kuya nim uchuq’ab’ ri b’ixik tzijob’elil pa taq le chak xuquje’ pa le b’anon utule’lil ri’.