Eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) rech ri nab’e q’ij pa le lajuj q’ij rech enero rech pa junab’ ri’ xkib’an k’ilaj chi puqtzukunem pa taq ri k’ache’laj ri’, pa taq k’olib’alil ri k’ax ri okem ri’ xuquje’ pa taq k’olib’alil rech uq’atexik ri poq’san tiko’n rech awan kunb’al ri’ pa rulewal amaq’ tinamit aj iximulew.
Eri kemonchak ri’ are xuya pa retalil ri’ rech xqupixik xuquje’ xporox uwach pa ronojel 254,018 chi tiko’n awan kunb’al, ruk’ ri 106,648 rajilab’al raqan chi ichaj tiko’n rech marihuana xuquje’ ruk’ 147,370 rajilab’al raqan chi ichaj tiko’n rech coca ri’, ri xeriqitajik katajin kak’iyirik ri k’o chik uwach. Eri uporoxik uwach ri nik’aj peraj tiko’n awan kunb’al ri maj pa usaqil ri’ are la’ jun nima uq’atexik b’anom ri’ pa Q41,466,700 ri esam pa kaq’ab’ ri nik’aj molaj b’anol k’ax rech ri narcotráfico ri’.
Eri nab’e uporoxik taq tiko’n rech awan kunb’al ri’ are xb’an pa jueves nab’e rech enero ri’ pa taq rulewal ri uq’ab’ tinamit rech Las Cruces, Petén, chi la’ k’ut eri wokajil reqa’lenel antinarcóticas ri’ xkiqupij xuquje’ xkiporoj 23,439 chi raqan ichaj tiko’n rech marihuana ri’, eri rajil pa ronojel qaraj k’o Q8,789,625 chi pwaqil ri’.
Te k’u ri’, e pa sábado oxib’ q’ij rech enero ri’, pa le aldea El Corozo rech ri uq’ab’ tinamit rech Livingston, Izabal, xporox 25,550 chi raqan ichaj tiko’n rech coca, eri rajil kab’ixik are Q255,500 chi rajil pwaqil ri’. E pa lunes job’ q’ij rech enero, eri wokajil ajchajin tinamit xkiporoj 16,000 chi raqan ichaj tiko’n rech awan kunb’al ri’ ri maj pa usaqil tikom pa le uq’ab’ tinamit rech El Chal, Petén ri’, eri rajil qaraj are Q160,000 chi rajil pwaqil ri’.
Iwir k’ut, pa taq ri k’ache’laj k’o chi rij apan ri uq’ab’ tinamit rech Las Cruces, Petén, xporox ri’ 75,838 rajilab’al chi raqan ichak tiko’n rech marihuana ri’, eri rajil are Q22,751,400 chi rajil pwaqil ri’. Pawe q’ij kimik, pa le caserío Bobila rech uq’ab’ tinamit rech San Luis rech pa rulewal tinamit ri’, xporox wi 20,400 chi rajilab’al raqan ichaj tiko’n rech coca ri’, eri rajil qaraj are kopan pa Q204,000 chi pwaqil ri’.
Eri wokajil reqa’lenel antinarcóticas sib’alaj xkib’an ri chajinem ri q’atenik ri’ rech xkuub’isax ri kachajixik ri winaqilal aj iximulew ri’ pa taq ri uk’olib’al ri sib’alaj xtzukuxik. Xuquje’ xb’antaj ri uporoxik ri tiko’n rech awan kunb’al ri maj pa usaqilal ri’.