Pa nimaq’ij rech amaq’ xk’aslemax pawe q’ij kimik pa le nimaq’ij rech xtzijik ri Antorcha Centroamericana rech tuke’lemalil pa joremal, xb’an pa le Plaza Obelisco. Eri q’aq’ rech tuke’lemalil ri’ are kajach pawe q’ij kimik jueves 4 rech septiembre ri’ pa kaq’ab’ ri q’atb’al tzij rech El Salvador, rech keterne’x ub’anik kuk’ taq ri nimatinamit rech Honduras, Nicaragua k’a kopan pa Costa Rica ri’.
Rech e chajim ri winaqilal e’aj iximulew che ri kik’amom b’i ri antorcha ruk’ ri uq’ab’ jupuq amaq’ib’ centroamericano k’a pa ri uq’ab’ tinamit rech Jalpatagua, Jutiapa ri’, eri reqa’lenelab’ ri Departamento rech Tránsito rech ri Wokajil Ajchajil Tinamit ub’i’ (DT-PNC) xtaq jun korlim kachajixik ri’, pa taq ri nimab’e, chi kij taq xuquje’ k’a kak’is wi kopanik ri nim jupuq chi winaqib’ ri’.
Pa kiq’axik ri’, eri wokajil ajchajin tinamit xkib’an k’iyalaj taq puqtzukunem rech uchajixik ri kib’e ri’ rech uq’atexik ronojel taq b’anoj k’ax ri’. Xuquje’ sib’alaj xkipixb’ej ri e’ajb’inisal taq ch’ich’ che ri keq’axik pa le nimab’e ri’ rech nojim keq’ax pa nimab’e, rech kakijam kib’e ri jupuq winaqib’ keq’axik, xkuquje’ rech kakinimaj ri Taqanem rech Tránsito xuquje’ ri Uwujilal rech Kanimax ri’.
Eri toq’inik b’anowem ri’ are utaqim ukub’isaxik ub’anik ri nimaq’ij rech ri 204 ujunab’ kutz’aqatisaj utuke’lem rib’ pa cholb’al uk’aslemalil iximulew ri’ rech kab’an ri nimaq’ij pa jikomal joremalil kub’al k’u’x, pa ucholalejil xuquje’ rech chajim wi pa kik’aslemalil ri winaqilal pa ub’anik taq nimaq’ij rech taq amaq’ib’ nimatinamit ri’.