ke’utzukuj k’aqb’al xuquje’ ke’uto’o winaq ri’
Eri tz’i’ ub’i’ “Tundy2, are jun pastor belga malinois, eri tz’i’ ri’ uk’utum rib’ uya’ rib’ pa le q’atenik ri k’ax xuquje’ pa le kachajixik kato’ik ri winaq ri’.
Ruk’ ri rachi’l k’amol ub’e, eri e keb’ ri’ e jun binomio K-9 xaq e xu’ wiri’ e k’olik pa le División rech Investigación xuquje’ Desactivación rech Armas xuquje’ Explosivos (DIDAE) rech ri Wokajil Ajchajil Tinamit (PNC).
Sib’alaj k’o una’oj che ub’anik ri uchak rumal xtijoxik, xya jun jikom uwach uwa urikil xuquje’ pa amaq’el xtijoxik. Ri are are jun pa le wokaj chajinem, oksam taq uxajab’ rech keto’ ri taq raqan.
Xuquje’ uya’m ranima’ uchuq’ab’ pa le chajinem, are uk’amom kanima’ konojel ri eqa’lenelab’ e chakuninaq ruk’ pa le chajin winaqil pa tinamit. Pa le upe’s uchak ri’, are katob’anik pa le tzukun jastaq k’aqb’al ri maj pa usaqil ukojik tane’ pa taq ri uchakuja ri k’amal b’e tinamit xuquje’ pa le embajadas rech nik’aj chik nimatinamit pa uwachulew.
Pawe junab’ ri’ eri DIDAE e k’o ruk’ e job’ b’inomios K-9, rech ketob’anik pa utzukuxik awan jastaq maj pa usaqil, jacha tane’ poq’sab’al k’aqb’alil.
Eri Manolo
Nab’e kanoq, petinaq chi’ ri eqa’lenel ub’i’ “Manolo” rachi’l jun uk’amol ub’e, ri xkib’an k’i uwach taq tzukunik xuquje’ chajinem pa le rachoch le Taqawokajnem rech ri Ya’olchajinem pa Amaq’.