Sib’alaj katajin katzukuxik ri ak’alab’ kuk’ ri e q’apojil che ri ya’om ub’ixik e sachinaq pa rulewal qatinamit, rumal ri’ eri reqa’lenelab’ ri División Especializada rech Investigación Criminal (DEIC) rech ri Wokajil Ajchajil Tinamit (PNC) xkib’ij che pa wuqq’ij ri’ e riqom chik e waqxaqib’ chi ab’om alitom ri b’im e sachinaq pa Alerta Alba Keneth ri’.
Eri rumal b’a xesachhik are xech’ujar ri’, xech’ujar kuk’ winaq e k’o apanoq chi kij xuquje’ are rumal koyowal chi kuwach kuk’ ri kitat nan.
Ri xeriqik
Eri wokajil ajchajil tinamit e k’o oxib’ chi ixoqib’ ri b’im pa Alerta Isabel-Claudina che e sachinaq, are chi’ xeriqitajik kuk’ ri kachajil taq, nik’aj chik rumal man k’ot xkib’ij ri xeb’e wiri’, nik’aj chik rumal xb’an k’ax itzelal chi ke pa kachochib’al.
Ri xriqik
K’o jun achi 37 ujunab’ xriqitaj pa Petén ri’, ri kab’ixik rumal xq’atexik ri nimab’e man xkowon taj xopan pa rachoch rumal ri’ sachinaq.
Pa Escuintla xriqitaj wi jun winaq 19 ujunab’ rumal man k’ot xub’ij xel b’i pa rachoch rumal ri’ xusach rib’ chi kuwach rachalalil.
Rumal b’a’ k’o ri winaqil xkiya loq ub’ixik ri’ pa aninaqil xmajtaj katzukuxik kumal ri wokajil ajchajil tinamit.