Are taqim k’ut rech keto’ik xuquje’ rech kab’an jun k’amoj ib’ kuk’ ri winaqilal ri’, rumal ri’ we q’ij kamik pa le Parque Central rech Villa Nueva, xb’antaj wi ri k’utb’anik rech ri Uchomab’alil Q’atb’al tzij rech Q’atel k’ax, rech Ya’olchajinem Winaqil xuquje’ ri K’amoj ib’ pa Joremal pa 2022-2025 ri’, pa le ilb’anem ri’ xk’oji ri Viceministro rech Q’atel k’ax, Carlos García Rubio, ri Ajkalte chi la’, Javier Gramajo xuquje’ Spencer Milian rech USAID-Estados Unidos ri’.
Eri Viceministro rech Q’atel k’ax, Carlos García Rubio, xub’ij che uchak ri’ are rech kuterenb’ej uya’ik tob’anem che ri q’atb’al tzij pa tinamit ri’ rech q’atenik k’ax, “Kimaltyoxij ri tob’anem kumal e amaq’elil, jeri’ ri tob’anik chi ke ri alab’om alitom rech ketob’an kuk’ ri wokajil ajchajil tinamit rech pa le q’atenik ri e ajb’anol k’ax ri’”.
Rumal k’u ri’, eri Ajkalte rech Villa Nueva, Javier Gramajo, xub’ij, che ri b’anoj chomab’al ri’ uya’om pa ucholajil ri b’anoj chakunik xuquje’ ri ujalik, ri k’amoj ib’ ri’.
“Eri ub’antajil ri Villa Nueva ri’ chi’ e k’o winaq tajin kakiyak kib’ pa kik’aslemal xuquje’ rech kakib’an ri utz chi ke ri’. Uj k’o iwuk’ iwonojel rech kixqato’o chi ijujunal ri’ pa b’anoj chomanem ri’.”
Jeri’ eri rajtaqo’n chomanel ri USAID, Guatemala sib’alaj xkib’ij k’ut che ri kipatan are rech ketob’an che we amaq’ ri’ pa le q’atenik k’ax ri’ rech eri tinamit ri’ kub’an utz jikom uwach ri k’amoj ib’ chi’.