Are taqim ub’anik sib’alaj utz che ri ya’olchajinem kumal ri reqa’lenel ri Wokajil Ajchajil Tinamit (PNC) chi ke ri winaqilal, pawe q’ij ri’ kamik xkoj ri Subestación 12-1-3, pa le aldea El Fiscal, Palencia, rech uk’u’x nimatinamit Iximulew, rech ya’ik uchuq’ab’ ri ya’olchajinem chi’ kumal ri e ajchajil tinamit winaqilal ri’.
Eri Ministro rech Gobernación, Byron René Bor Illescas, ri xuk’am ub’e’al ri loq’ b’anonem ri’, ri are xib’alaj xub’ij che ri k’ak’ subestación ri’ k’o nim upatanib’al rumal pa amaq’el tajin ketijoxik ri e ajchajil tinamit ri’. “Sib’alaj xtoq’inik chi ke ri winaqilal rech kakik’amansaj che kib’ rech we k’o ri k’ax kab’anik kakilo kakib’ij loq pa aninaqil xuquje’ xub’ij chi ke ri winaq ri’ rech kek’oj che kilik ri chajinem kakib’an ri e ajchajil tinamit chi’ rech kakib’an ri utzilem pa le chajinem ri’”, xcha’ ri Nim Taqawokajnel.
Rumal ri’ eri K’amal B’e rech ri PNC, Edwin Ardiano López, xub’ij che ri rachoch ri subestación ri’ are la’ k’o jun nim tob’anik kub’an pa kaloq’axik ri chajinem kumal ri e ajchajil tinamit pa le kanimaxik ri winaqilal ri’. xuquje’ rech kakiya uchuq’ab’ ri ya’olchajinem ruk’ ri q’atenik ri k’ax chi’ pa le kachajixik kato’ik ri winaqil, pa juntir ruk’ ronojel ri kijastaq meb’il ri’.
Eri k’ak’ rachoch chajinem ri’ k’o chakuja chi upam, k’o kek’ul wi winaq ri’, k’o kewar wi, k’o kab’an wi kiwa/rilik, k’o kak’ol wi kik’aqb’al xuquje’ k’o kach’aj wi katz’iyaq ke’itin wiri’; are la’ retalil jun nimachak b’anom ri’ taqim ub’anik pa le cholchak ub’i’ Eje Infraestructura xuquje’ Movilidad rech ri Estrategia rech Transformación Policial, ri taqom ub’anik rumal ri K’amal B’e Iximulew pa reqele’n ri Taqawokajnem rech ri Ya’olchajinem pa Amaq’, rech b’a’ kab’an kaloq’axik kek’oji wi ri e ajchajil tinamit pa le chajinem kumal xuquje’ rech ya’el uchuq’ab’ ri b’anoj chajinem pa rulewal tinamit.