Are uwach taq ri chakunem rech niman amaq’il, pa jun k’olemal ri k’o jun retalib’al ri’, eri Ministro rech Gobernación, Francisco Jiménez, sib’alaj xk’oji pa jun loq’ ilob’anowem rech xtzij ri q’aq’ amaq’ nimatinamit ri’ pa le Nima Uwach Rachoch Uk’u’x Nimatinamit ri’. Ruk’ wa’ xmajtaj ub’anik ri ilob’anowem pa le unimaq’ij rech ri 204 Ujunab’ Utz’aqatisam Utuke’lem rib’ le Amaq’ ri’, chi la’ k’ut le q’aq’ kuna’tisaj chaqe che utz’iyaqb’al amaq’ tzoqopital kukumatzij rib’ pa kaqiq’ xuquje’ uteke’lem rib’ pa utaqanib’al pa nimatinamit.
Eri Ministro Jiménez, ri are sib’alaj xubij k’ut chi k’o nim upatanib’al rech ketern’ex uk’aslemaxik ri utz taq no’jk’aslemam tzij ya’tal kanoq chaqe pa nimatinamit k’a pa 204 junab’ ri’ kumal e’ajch’ojinel taq achijab’ xuquje’ ixoqib’ pa ojer tzij. Rumal ri’, xub’ij, “chaqachomaj b’a’ jas/su kub’ij le retalil ri q’aq’ ri’, jacha tane’ jun loq jastaq ri kuya jun utzilaj eyenem chaqe uj. Eri wokom k’amal b’e nimatinamit Bernardo Arévalo, ri are karaj kuwa’lijsaj uwach ri loq’ eyeb’añ ro sachinaq uwach chik pa naj taq junab’ chik. Eri q’aq’ ri’ are retalil kutzijo pa jumul chik ri kanima’ ri e’aj iximulew”.
Eri Jiménez xuquje’ sib’alaj xub’ij che rajawaxik kaqaterne’j uwa’lijsaxik uwach ri jun k’olemal pa joremal kub’al k’u’x ri’ ri b’anowem ri kab’an pa ronojel ri qatinamit. “Kamik ri’, k’ate ri’, eri qatinamit kojusik’ij rech kujok pa le k’amoj b’e”, xcha’.
Pa le loq’ ilob’anowem ri’ xkoj ri kotz’i’j chi ke ri e nab’ej taq winaq che ri xkich’ojij ri utuke’lem rib’ ri q’atinamit, jeri’ ri uq’ojomisaxik taq ri b’ixonem rumal le banda sinf+onica marcial reh ri Ministerio rech ri Defensa Nacional (MDN) xuquje’ ruk’ ri loq’ kixojowib’al ri ballet folklórico rech ri Instituto Guatemalteco rech Turismo (INGUAT). E’are jun ri loq’ taq e’ajtijoxel xuquje’ ri embajadores regionales ri sib’alaj xek’oji pa le loq’ ilob’anem pa junamamil, eyeb’al xuquje’ tzoqopib’al utuke’em ib’ pa q’atowem pa nimatinamit.