Pa le Ukaj Nim Tzijolinem xb’an pa rachoch ri Organización rech ri Naciones Unidas (ONU) xutzijox wi ri chak q’atenem b’anom pa le upatanexik ri Programa rech Acción rech q’alanem, q’atenik uwach ri awan jastaq awan k’aqb’alil ri juntir uwach ri’. Are wa’ xb’an utzijoxik rumal ri Viceministra rech Prevención rech ri Violencia xuquje’ ri Delito rech ri Taqawokaj Ya’olchajinem pa Amaq’, Mayda de León ri’.
Eri nim nan ajtaqawokaj ri’ xutzijon k’ut pa le jaqib’al rech ri Debate General ri’, ruk’ jun nim utzijoninem pa le xub’ij wi che rajwaxik b’a’ kaq’atexik uwach taq ri k’aqb’alil maj pa usaqil kakojik xuquje’ ri b’anoj nimak’ax. Chi la’ k’ut xub’ij wi che sib’alaj rajwaxik kawok uwach katz’ib’axik, rech q’ateb’al uwach ri k’ayin ub’aq’ k’aqb’alil, ruk’ taq ukojik ri k’ak’ kemchakub’al b’anom, ri k’ak’ k’aqb’al rech ojer ruk’ ri k’ax taj kak’ex uwach taq, ruk’ ri k’aqb’alil ri k’axtaj katz’aj rachib’al taq. Sib’alaj rajwaxik kachomax uq’atexik ronojel uwach taq ri k’aqb’al keb’anala’xik.
Pa le nim riqob’al ib’, xub’ij chi k’o jun nim upatanib’al kaq’atexik juntir uq’axenik ri k’ayin awan k’aqb’alil ri’. Sib’alaj xuya’ ub’ixik che rajwaxik kataq uq’atexik rech katulisaxik ri awan k’aqb’alil. Xuquje’ xub’ij che rajwaxik kaq’atexik juntir uwach wari’ pa juntir taq rulewal tinamit.