Pa le unimaxik ub’anik ri chakunem rech uq’atexik ri k’ax yab’il Covid-19 pa we amaq’, eri Ministerio rech Gobernaciòn, xuterenb’ej ujachik ri kuchb’al kichi’ kitzapm winaq ri’ pa taq le k’ayib’al rech pa uk’u’x nimatinamit, are wa’ xopan usolixik rumal ri Tercer Viceministra rech Gobernaciòn, Claudia Dìaz, ruk’ ri Rajawtzij rech ri Unidad rech Prevención Comunitaria rech ri K’axk’onem ri’, Ronald Portillo.
“Are wa’ kojtajin che usolixik ub’anik ri’, rech eri ujachik ri’ are kopan kuk’ ri winaqil rech kakiya’o kuxo’l ri’, are rech k’o ya’el ilonem chi ke ri winaqil k’ax e ya’tajinaq ri’, jeri’ chi ke ri ri’j winaq xuquje’ ri taq ak’alab’” xcha’.
Rumal ri’ eri are ri’ xopan le mercado el Guarda, chi’ k’ut eri Dìaz xuya’ ub’ixik ucholaj che nim k’ut upatan chi ke ri winaqil we kakinimaj ri ub’anikil rech uq’atexik ri jun k’ax yab’il coronavirus pa we amaq’, rumal ri’ xub’an jun nim sik’inik chi ke ri winaqil pa tinamit rech chakinimaj b’a’ ri tajin kab’ix chi ke rumal ri k’amal b’e amaq’ ri’.
“Sib’alaj k’o nim kupatanij chi ke ri winaqil tinamit kakiterenb’ej unimaxik ri xtaq ub’ixik ri k’amal b’e amaq’ ri’; eri winaq k’ut che ri man rajawaxik taj keb’e chi saq loq, qas kekanaj b’a’ kanoq pa taq kachoch xuquje’ chakich’aja b’a’ kiq’ab’ are sib’alaj nim upatan, chakikojo b’a’ kuchb’al kichi’ kitza’m xuquje’ chakichajij b’a’ ri alaj taq ak’alab’ pa ja”, xcha’.
Pa le ujachik ri chokonsb’al ri’ chi’ are jun xk’oji ri rajchak ri UPCV, pa le kato’ik ri reaa’lenel ri Wokajil Ajchajil Tinamit (PNC), che ri e taqom pa le Comisarìa 14, rech pa amaq’el ya’olchajinik chi ke ri winaqil pa tinamit ri’.