Eri Viceministra de Antinarcóticos xuquje’ Seguridad Fronteriza, Claudia Palencia, xopan pa jun solinem chak chajinem pa Peén, rech xusolij ri puqtzukunem chajinik rech uq’atexik taq k’ax kumal ri reqa’lenel ri Wokajil Ajchajin Tinamit (PNC) ri e taqom chi la’ k’ut. Are chi’ xopan chi la’ e rachb’ilam ri ajtaqanel rech chajinem pa tinamit.
Eri solinem ri’ xumaj ub’anik loq k’a pa le rachoch ri División rech Puertos, Aeropuertos xuquje’ Puestos Fronterizos (DIPAFRONT) rech ri PNC, pa Melchor de Mencos. Xuquje’ xub’an ri rilik ri b’anoj chajinem katajin chi la’ pa tinamit.
Te k’uri’, le nan Palencia xb’e pa le delegación rech ri Subdirección General rech Análisis rech Información Antinarcótica (SGAIA) rech ri PNC, chi la’ k’ut xopan wi rech xusolij ri puqtzukunem chajinik tajin chi la’ kumal ri wokajil achajinelab’ rech q’atenem awan kunb’al, ri narcotráfico xuquje’ ruk’ nik’aj chik b’anoj k’ax kab’an pa taq nimatinamit ri’.
Are chi’ xuk’is ri solinem pa taq ri sedes policiales ri’, eri Viceministra Palencia te k’u ri’ xopan che solinem pa le aduana rech Melchor de Mencos, chi la’ k’ut xmolin wi pa chomanem ri’ xuquje’ ri xk’ut wi chi uwach chi rij taq ri puqtzukunem chajinem k’ate xb’antaj ri’.
Eri b’anowem ri’ are la’ uwach taq ri chakunem xtaq ub’anik rumal ri Wokom K’amal B’e rech Iximulew pa le uchakunik ri Ministerio rech Gobernación (MINGOB), rech kechajixik ri winaqilal, rech uq’atexik ri k’ax, jeri’ rech nim kaq’atexik ri nuk’molaj b’anol k’ax ruk’ ri b’anoj k’ax pa taq nimatinamit pa uwachulew ri’.