Eri nab’e viceministro rech Gobernación, Gendri Reyes, xopan che usolixik ri b’anoj tzukunem ya’olchajinik katajin kuma ri Wokajil Ajchajil Tinamit (PNC), pa le colonias rech ri zona 21, ri are uwach ri urox’ cholchak rech Recuperación xuquje’ Control ri’.
Eri Reyes xuya’ ub’ixik che ri b’anoj tzukunem ri’ are katajin ri’ rech pa uterenb’exik ri ri chakunem xtaq ub’anik rumal ri K’amal b’e Amaq’ ri’, Alejandro Giammattei xuquje’ rumal ri Ministro rech Gobernación, Edgar Godoy Samayoa, rech ya’el uchuq’ab’ ri ya’olchajinem ri’.
“Are wa’ jun b’anoj chak che ri kojtajin che ub’anik. K’o chik jun b’anoj cholchak chomatal chik chi rij uq’atexik b’anoj k’ax, rech uq’atexik ri uchuq’ab’il b’anoj k’ax ri’, chi la’ k’ut che ri qas kak’ulmataj wi b’anoj k’ax ri’” xcha’.
Are wa’ uwach ri Cholchak rech Recuperación xuquje Control ri’, rumal ri’ eri eqa’lenel ajchajil tinamit ketajin k’ut che ub’anik ri b’anoj tzukunik rech ya’olchajinik winaqil, rech uta’ik katzijol ri winaqil xuquje’ ri ch’ich’ keb’inisax ri’, ruk’ katob’anik ri q’atol tzij rech ri Ministerio Público xuquje’ kumal reqa’lenel ri Wokajil Ajchajil Amaq’il.