Eri Viceministro rech Antinarcóticos xuquje’ Seguridad Fronteriza, Víctor Hugo Cruz, xmolin pa jun riqonem rech xb’an ri chomanem kuk’ rajchomanelab’ ri Comisión rech Defensa rech ri Comercio Formal (CODECOF), ruk’ taqixik ya’ik uchuq’ab ri kemonchak ri’ rech uq’atexik taq ri k’ayin awan jastaq pa amaq’ tinamit. 

Pa le riqonem ri’, eri viceministro Cruz xuquje’ ri uwinailal ri CODECOF xetzijon chi rij ri upatanib’al rech ya’ik uchuq’ab’ ri chajinem pa k’ulb’a’t juyub’ pa amaq’ xuquje’ rech uchajixik ri jikom uwach k’ayinem, pa le ub’anik ri kemonchak rech utz ub’anik ri tob’anem kab’an chi kuwach ri wokajilal rech ri Amaq’ xuquje’ kuk ri wokajil k’o rajchoq’e ri’. 

Are chi’ xutzijon le viceministro sib’alaj xub’ij che ri Ministerio rech Gobernación kachakunik pa juntir rech ya’ik uchuq’ab’ ri Dirección Antinarcótica xuquje’ rech Seguridad Fronteriza, ri are karaj ya’ik uchuq’ab’ ri chajinem pa taq ri puertos, pa taq k’ulb’a’t juyub’ xuquje’ pa uwi taq palow, are rech kakub’isax ub’anik ri utz taq chajinem ri’. “Kojtajin che ya’ik uchuq’ab’ upatan antinarcótica xuquje’ fronteriza pa jun usuk’alil junam uwach ri rech utz b’anik taq kemon chakunik pa wokajilal”, xcha’ ri Cruz. 

Eri Cruz xuquje’ xub’ij eri wokib’al uwach ri jun wokajil rech ya’olchajinem pa taqawokajilal wokom uwach kumal ri Ministerio rech Agricultura, Ganadería xuquje’ Alimentación (MAGA), ri Superintendencia rech Administración Tributaria (SAT) xuquje’ ri Wokajil Ajchajin Tinamit (PNC), kuk’ nik’aj chik wokajil ri’, rech taqim ya’ik uchuq’ab’il ri tob’anem ri utoq’axik ri tzijolil chi kuwach taq ri wokajilal che ri kechakun chi rij ri chajinem rech pa k’ulb’a’t juyub’ ri’. 

Pa k’isb’al ri’, eri viceministro sib’alaj xuya ub’ixik ri reqale’n uchak ri Ministerio rech Gobernación ruk’ ri saqilal ri’, ri b’anoj chakunem xquje’ ri ya’olchajinem pa tinamit, are k’ut qas uwa’lib’alil ri ya’ik kub’sib’al k’u’x b’anoj k’ayinem pa usaqilal xuquje’ rech are kaya rachib’al ri jikom cholchak rech Iximulew jacha ruk’ ri utzilaj amaq’ tinamit k’o uchuq’ab’il upatan pa rulewal taq amaq’ib’ nimatinamit ri’.