Eri Viceministro rech Seguridad, José Ronaldo Portillo Salazar, kuk’ rajq’atb’al tzij ri PNC, xe’opanik xakisolij ri Comisaría 12 rech Llano Largo, zona 18 rech ri uk’u’x nimatinamit, ri qas aq’ansam uq’ij rumal are qas e’uq’atim ri ajb’anol k’ax chi la’ k’ut. Pa le ropanik chi’, xub’an le rilik jas le ub’antajik ri rachoch taq, ri chakub’al kakoj chi la’ xuquje’ jas ri ub’antajik ri chak kakib’an ri ajchajinel chi la’ che ri qas kab’an wi ri k’ax.
Jas upatan le solinem xb’an chi la’ k’ut are rech kab’an chech ri chajinem kumal ri e’ajchajin tinamit chi la’ pa taq ri wokja che ri rajawaxik wiri’ ri kachajixik ri winaqilal. Eri Viceministro Portillo Salazar sib’alaj xuya ub’ixik che ri are rech kuya uq’ij kuloq’aj uwach ri chak kumal ri e’ajchajinel ri’ xuquje’ rech ya’tal ri chakub’al rajawaxik kakikoj ri’ pa le utz ub’anik ri chajinem kumal.
Eri K’amal B’e Taqanel rech ri PNC, David Custodio Boteo, ruk’ ri K’amal B’e Taqanel, Helver Beltetón, kachi’l ri Viceministro pa le kib’i ri’ xuquje’ xkib’ij chi k’o jun nim upatan uya’ik uchuq’ab’ ri b’anoj puqtzukunem chajinik chi la’ k’ut che ri qas kab’an wi taq b’anoj k’ax jacha le kariqitaj wi ri Comisaría 12 rech Llano Largo. Are kariyixik che ri chajinem chi’ katob’an b’a’ ruk’ ri ya’olchajinem pa le wokja chi la’ xuquje’ pa le ya’ik uchuq’ab’ ri chak kakib’an ri Wokajil Ajchajin tinamit pa le q’atenik taq b’anoj k’ax ri’.