Eri La Sección rech Q’atenel Elaq’ xuquje’ Keleq’axik Ch’ich’ rech Wokajil Ajchajil Tinamit (PNC), e ajterne’l kech ri winaq e b’anol k’ax che ri kakib’an elaq’, kakesaj rachib’al tzijolwujil, kakik’ex uwach wujil, ri kakib’an elaq’ ri’ e uwinaqil nik’aj molaj b’anol k’ax kakeleq’aj ch’ich’ maj pa usaqil ri’.
Eri Taqanel rech ri Sección xuquje’ Hurto rech Ch’ich’, Otto Marroquín, xub’ij che pa we junab’, kiriqom chik 211 chi ch’ich’ xuquje’ 69 chi kejach’ich’, chi la’ k’ut xechapataj wi loq e 21 chi winaqil e b’anol k’ax ri’.
Jeri’, pa taq ri tzukunem e k’o ch’ich’ xkiriq loq, xuquje’ k’aqb’al, pwaqil xuquje’ awan kunb’al. “Eri tzukunem xb’antaj ri rumal maltyox chi ke ri winaqil pa awalik xkib’ij loq, rumal ri’ xterne’x utzukuxik, xb’an puqchajinem tzukunik pa taq nimab’e, e pa junab’ ri’ k’o chik puq chakub’al xkojik rech pa aninaqil kakoj kumal winaqil e aj iximulew che ri kik’ub’ kik’u’x chi ke ri PNC rech kariqitaj loq ri kich’ich ri’”, xcha’ ri Marroquín.
Precaución
Eri q’atb’al tzij xkib’ij che ri winaqil e aj iximulew kakikoj ri redes sociales ri’ rech kakita kakilo tzijol ri’, rech wexa’ k’o kakiloq’o xuquje’ rech wexa’ k’o kakijito kakik’ayij ri’. Eri e ajchajil tinamit xkib’ij chi ke ri winaqil xaq makiloq’ ch’ich’ ya’tal utzijol pa le uwachwuj ri’, rumal are man utz taj k’o ri Itzelal chi ke ri’.
“Are maja’ kakiloq’ jun ch’ich’ wene’ jun kejach’ich’ tane’ rajwaxik b’a’ qas chakib’ana usolixik juntir uwach utzijol ri’ we man eleq’am taj”, xcha’ ri Otto Marroquín.
Eri b’iw ub’ixik utzijol jun ch’ich’ xeleq’axik, eri winaqil rajwaxik b’a’ ke’opan che ub’ixik pa le Sección rech Robo xuquje’ Hurto, ri k’o pa le 15 avenida y 10 calle zona 1, pa uk’olib’al ri División Especializada rech Investigación Criminal (DEIC) ri’.