Are b’a’ rech taqim uq’atexik taq ri b’anoj k’ax xuquje’ rech b’anik ri cholalejil pa tinamit rumal ri Ministerio rech Gobernación ri’ pa reqale’n ri Wokajil Ajchajin Tinamit (PNC) xmajtaj upatanexik ri Cholchak ub’i’ Plan 43-2025 “Rech Uq’ij Yab’al K’otz’i’j ri’ xuquje’ rech Kiq’ijol ri Kaminaqib’ ri’” rech ub’anik ri chajinem xuquje’ ke’achb’ilaxik e k’ilaj taq winaqilal che ri ke’opan pa uwi’ kamuqib’al taq kaminaqib’, pa taq ri nimaq’ij rech Kiq’ij taq ri Tyox Winaq xuquje’ rech Kiq’ij taq ri Winaq e Kaminaq chik.
Eri wokajil ajchajin tinamit xetaq chi rij taq xuquje’ pa le uwi’ kamuqib’al ri kaminaqib’ jeri’ pa nik’aj chik kiwi’ kaminaqib’ taq á rulewal amaq’ tinamit, rech kechajinik chi kech ri winaqilal e opanel ri’, rech kakib’an ri chajinem pa taq ri ch’ich’ xuquje’ chi rij taq kejach’ich’ pa amaq’el ri’, pa taq k’olib’al chajinem, pa esab’al rachib’al chajinem ri’. Eri chajinem ri’ are la’ kamajtaj pa k’isb’al q’ij rech octubre xuquje’ are kak’is pa keb’ q’ij rech noviembre rech kab’an ri chajinem pa juntir uwach rulewal taq ri amaq’ tinamit.
Eri PNC sib’alaj xub’ij che ri b’anoj chajinem ri’ are kab’an pa amaq’el pa ronojel ri k’isb’al wuqq’ij ri’, ruk’ utob’anik ri jupuq ajchajinelab’ rech kakitaqij uq’atexik taq ri b’anoj k’ax xuquje’ rech kechajin pa taq ri q’ijol ri’, rech kakilo kiwujil kitzijol ri e’ajb’insal ch’ich’ xuquje’ ri winaq e kachi’l e b’enaq rech kakilo we k’o taqom kichapik rech kakichap kanoq rech kakiq’atij rok’owik Itzel jastaq ri’ rech Kub’an tane’ k’ax pa kik’aslemal i winaqilal e’aj iximulew ri’.
Eri b’anoj chajinem ri’ are la’ uwach ri cholchak rech ri ya’olchajinem taqom ub’anik rumal ri Wokom K’amal B’e Amaq’ rech Iximulew pa reqa’lenik ri Ministerio rech Gobernación (MINGOB) ri’. Ruk’ ub’anik wari’, are kakub’isax ub’anik ri chajinem pa taq ri nimaq’ij ri’, rech qastzij b’a’ kanimaxik ri b’anik ri cholalejil xuquje’ ri chajinem pa ronojel amaq’ tinamit.