Eri Campo rech Maniobras rech ri Escuela rech Formación rech Oficiales rech Chajin Tinamit (ESFOP) are xkoj che ri k’olib’al ri juk’al uwajxaq unimaq’ij ujunab’ chik ri Wokajil Ajchajin Tinamit (PNC). Eri uwach ri nimaq’ij ri’, kimik xb’an jun k’utub’al chi kjujunal ri unidades especializadas rech ri PNC ri’, xkiya nim uq’ijol ri kachakunik pa le unimaxik ujachixik ri nimatinamit.
Eri Ministro rech Gobernación, Francisco Jiménez, ri xuka’m ub’e ub’anikri nimaq’ij ri’, sib’alaj xub’ij che ri wokajil ajchajin tinamit xalax k’ut are rech qastzij b’a’ kuchajij, kuya ri joremal, ri ucholalejil pa tinamit.
“Are chi’ xaqil k’ut ri xkik’utu, man xaq ta ri’ xaqilo ri b’anoj chajinem q’atenik, xane’ are rech kowilaj katijoxik ri’, ri sukilaj nimantzij xuquje’ ri konojel ri ixoqib’ ri achijab’ eri xkiya ri kanim’ che ri chajinem pa tinamit”, xcha’.
Xuquje’ eri Taqawokajnel rech Ya’olchajinem pa Amaq’ sib’alaj xub’ij k’o nim upatan rech ya’ik uq’ij ri chajinem kakib’an ri eqa’lenalab’ ri’. “Xaq ta chak kab’anom ri’, qastzij b’a’ nim ri keqale’n, ruk’ suk’ilaj ri chak kumal xuquje’ sib’alaj kakiya uq’ij ri k’aslemal ya’tal chi kech ri uwinaqil tinamit. Chi jujunal ix, nim iq’ijol kixqilo xuquje’ kaqamaltyoxij ri’”, xcha’.
Xuquje’ eri Ministro Jiménez sib’alaj xub’ij che ri chak are katerne’x ub’anik rech ya’ik kiq’ijol ri wokajil ajchajin tinamit xuquje’ rech ya’ik uchuq’ab’ upatan ri wokajilal. “kaqaterne’j ub’anik utz che ri katijoxik, rech ya’tal kichakub’al, rech b’anik utzil chi kech xuquje’ rech nim ketijoxik, rumal k’ut qetam chewe k’o ko kichuq’ab’ sib’aja kanimax kitzij rech kub’al k’u’x pa junamamil pa tinamit winaqil ri’”, xcha’.
Rumal ri’, eri K’amal B’e rech ri PNC, David Custodio Boteo, xub’ij che ri b’anowem ri’ are uwach ri b’anon suk’ilaj tijoninem chi ke jujun taq wokajilal ri are kub’an nimantzij, ri b’anoj toq’anik chomanem ri’, ri b’anoj komonchak pa wokajilal xuquje’ pa sukilal. “Eri k’utub’an b’anoj chajinem q’atenik, ri b’anoj chajinem, ri puqchajinem chi kijujunal pa kawokajil ri ajchajin tinamit. Qilom k’ut che pa junamamil xkib’an uk’utik ri k’ax kakitijo kakesaj ri winaq pa k’ax, ri uq’atexik taq k’ax, ri kaq’atexik taq e’ajch’ojinelab’ xuquje’ ri uq’atexik taq k’axk’onem”, xcha’ are chi’ xuk’ij utzij ri’.
Pa le b’anowem e are jun xek’oji ri Viceministro rech Seguridad, José Portillo, ri Subdirector General rech Operaciones rech ri PNC, Jacinto Quiché, xuquje’ ri rajtaqanelab’ ri ajchajin tinamit. Pa le b’anowem, k’o wujil rech retal na’tib’al chi kijujunal ri wokajil ajchajin tinamit ri xikich’ako ri nab’e oxib’ taq terenb’alil pa le reta’maxik uch’ob’ik kumal ri e’ajchajin tinamit ri sib’alaj xekowonik xena’w che b’anoj utz che ri kachajixik ri winaqilal pa tinamit.