Pa jun puqtzukunem xb’an pa le aduana rech San Cristóbal Atescatempa, Jutiapa ri’, chi la’ k’ut eri reqa’lenelab’ ri División rech Puertos Aeropuertos xuquje’ Puestos Fronterizos (DIPAFRONT) rech ri Wokajil Ajchajin Tinamit (PNC), xkiqi wi loq 3 millones 550 mil chi sik’.
Eri tzukunem ri’ are uwach xb’antajik ri uq’atexik b’anoj k’ax xuquje’ rech kaya’ik uchuq’ab’ ri chajinem poq’san chak meb’il pa ama’ tinamit. Pa taq ri tzukunem ri’ xchapataj loq a Jaime “N”, 44 ujunab’, ri xchapik are chi’ b’ena pa jun ch’ich’ kamyon rech b’i 130 chi koxtar rech ik’ kaki’rinik. Are chi’ xsolix le nimach’ich’ ri’ xriqitaj k’ilaj taq kaxon k’olib’al ruk’ sik’.
Eri sik’ ri’ are xajwaxik xq’axen tane’ loq pa amaq’ tinamit ri’ ri man kaq’axix ta loq pa aduaneros, ri maj tojb’al kab’an chi rij tane’ ri maj uwujil k’amom loq man silom ta uwach kumal e’ajkunanel xuquje’ jacha ri usaqb’exik kutaq’ij ri taqanem chi rij ri’ rech pa saqil kak’ayix tane’.
Eri awan k’ayin sik’ ri’ man xaq ta ri’ kuya q’oxomal che ri industria pa saqil, xane’ are kub’an jun k’ax che ri kik’aslemal ri winaqil pa tinamit. Eri ya’ik uwach pa saqil kumal ajchajin tinamit are k’o nim upatanib’al ri’ rech resaxik kachuq’ab’ ri nik’aj molaj b’anol k’ax ajk’ayin awan jastaq ri’ xuquje’ ri kaq’atexik ri nik’aj ajk’ayin awan jataq rech kakipetisaj taj q’oxomal pa le kachajixik ri winaqilal pa amaq’ tinamit.