Sib’alaj katajin uq’atexik ri narcotráfico kuk’ ri nik’aj molaj b’anol k’ax ri’ pa uwachulew pa rulewal amaq’ tinamit aj iximulew. Rumak ri’ pawe q’ij kamik, eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) xkiya utzijol che xriqitaj jun chik eqa’n awan kunb’al pa rachoch ri Puerto Quetzal, Escuintla ri’.
Eri xriqitaj ri’ pa jun solinem xb’an pa jun kaxonach’ich’ che ri xok loq pa Iximulew, upetik loq Costa Rica ri’. Are chi’ xriqik, xajilaxik k’o 521 chi pisob’al awan kunb’al pa uk’ajil xriq pa taq koxtar ri’. Are la’ xriqik ruk’ katob’anik ri Binomio K-9, are kumal jun ajk’amb’e ruk’ jun tz’i’ ajtzukunel, ri are xusiqowik ri awan kunb’al ri’.
Eri wokajil antinarcóticias pa kemonb’al xkib’an utzukuxik retaxik ri awan kunb’al pisom xriq loq, eri are la’ kapisik are chi’ kak’am b’i pa k’olib’al rech. Are sib’alaj katajin utzukuxik uwach ri’.
Nab’e eqa’n awan kunb’al
Iwir k’ut xriqitaj ri’ 1,039 chi rab’arik pisob’al ruk’ awan kunb’al, are eqa’n ri’ xk’am b’i pa keb’ kaxonach’ich’ ri xesolixik pa le uk’olib’alil ri Puerto Quetzal, Escuintla ri’. Eri awan kunb’al xriqitaj ri’ are kapajinik 1,240 chi upajb’alil ri cocaína ri’, eri rajil are la’ Q.127 millones chi pwaqilem ri’.
Are chi’ xpisik ri awan kunb’al xriqik, xk’am b’i pa nik’aj helicópteros pa kaqiq’ chowe kaj rumal ri Unidad Aérea rech ri Ministerio rech Gobernación (UNAGOB) k’a pa taq ri uk’olib’alil ri SGAIA ri’, k’o pa le zona 6 uk’u’x amaq’ tinamit, chi la’ k’ut xb’an wi retaxik usolixik xuquje’ chi la’ xkol wi kanoq rech kaporox wiri’.
Eri xriqitaj ri’ are la’ uwach ri kemonchak b’anom rumal ri Wokom K’amal B’e Amaq pa uchakunik ri Ministerio rech Gobernación ri’ (MINGOB), rech ya’ik uchuq’ab’ ri chajinem pa taq ri portuarias, jeri’ pa taq ri puqtzukunem xuquje’ ri tzukkno’jchak b’anom rech uq’atexik taq ri molaj e’ajb’anol k’ax pa taq uwachulew.