Tajin ub’’anik katijoxik ri winaq e tz’apilik rech esab’al ri Wujilal Kitzijol Winaqib’ ub’i’ (DPI), rech taqim ub’anik pa saqil ri suk’ilal tz’aqat taqanik chi rij ri’ rech are la’ rech kuchuq’ab’isaj kasuk’maxik ri winaqil rech ketzalij chik pa taq le katinamit.
Eri cholchak ri’ are ri toqim ub’anik rumal le Subdirección rech Rehabilitación Social rech ri Dirección General rech ri Sistema Penitenciario (DGSP), ruk’ ri katob’anik ri Registro Nacional kech ri Winaqib’(RENAP), pa taq jalajoj japache’ tz’apib’al rech ri amaq’ tinamit. Ruk’ wari’, kab’an ri chak nimanem rech katob’anik pa ya’el uchuqab’isal uwach ri taqawokajil ri’ xuquje’ rech kanimaxik ri kasuk’maxk ri winaqilal rech ketzalij pa kachoch ri’.
Eri uq’ijol ri chak ktajin pa le Granja Modelo rech Rehabilitación Pavón, pa Fraijanes, xuquje’ are utaqim kuchuq’ab’isaj ri wujilal ya’tal chi ke ri winaqil ajpache’ tz’apib’al ri’ le maj kiwujilal ri’ wene’ rech kakiya’o ub’ixik kitzijol e k’olik, rech k’ax taj kachuq’ab’isanik ri ya’tajik ri wujilal chi ke pa le taq uwach ch’ob’onik, pa q’atow tzij xuquje’ rech ya’tal chi re ri cholq’axchak rech suk’malil kib’ ri winaqilal ri’.
Eri uq’ijol ri’, are rech kaya pa saqil ub’ixik kitzijol ri’, rech kech’ob’on chi rij xuquje’ rech uk’exik taq ri kiwujilal DPI, are ri’ jun tijowchuq’ab’ chak kumal ri taqawokajil rech qastzij b’a’ ya’tal uq’ab’onik ri q’atol tzij chi ke ri winaq e’ajpache’. Rech kaya’taj b’a’ ri kiwujilal pa uq’ijol ri’ ri are la’ jun chakub’al k’o nim upatan rech kasuk’ib’am chik kib’ kek’oji pa taq tijonem, pa taq le chak xuquje’ rech ya’tal ilonemanik chi ke, are chi’ e tz’apilik xuquje’ are chi’ keriqitaj chik pa kachoch pa katinamit.
Kitzijil ub’anemil
Jacha ri tzijol ya’tal rumal ri DGSP, eri uq’ij ri chomchak rech tz’ib’anem xmajtaj loq pa 2024 ri’ pa taq ri jalajoj rachoch taq japache’ tz’apib’al. Pa kemonil rk’ ri Unidad Móvil rech ri RENAP. Eri utaqim ri’ are k’axtaj ya’tal resaxik ri Wujilal rech Tzijol ri’ (DPI) chi ke ri winaq e tz’apilik pa rachoch ri japache’ tz’apib’al ri’ rech kakitoj wi ri kimak ri winaqil che ri e tz’apilik, are la’ pa unimaxik utzij jacha ri tz’ib’atal pa le Decreto Número 3-2025 rech ri Taqawokajil rech ri Taqanib’al pa Amaq’.
Ruk’ ri taqanem tzj ri’, eri Ministerio rech Gobernación, pa reqale’n uchak ri Taqawokajil rech ri Japache’ Tz’apib’al (DGSP), sib’alaj kunimaj ub’anik ri uchakunik ruk’ ri unimaxik ri ya’talil chi ke ri winaqib’ ri’ xuquje’ ruk’ ri upatanexik ri cholchak ri kub’an utob’anik rech kasuk’maxik ri winaqila ri’ rech ketzalij chik pa katinamit, rech uya’ik uchuq’ab’il pa saqil xuquje’ rech e k’amatil pa le taqawokajil japache’ tz’apib’l ri’.