Pa le riqb’al ib’ rech choman chak xb’an kamik pa uq’ijol ri B’anon rech Diálogo Interinstitucional chi kuwach ri Ministerio rech Gobernación (Mingob) xuquje’ ri wokajil k’o rajaw rech Iximulew, are xkilo le chak b’anom rech ya’olchajin winaqilal pawe q’ij ri tajin rumal le K’amal B’e Amaq’. Pa le k’utb’al uwach le chak ri’, eri wokajil k’o rajaw xuk’am uq’ij ri chak b’anom rumal ri Wokajil Ajchajil Tinamit (PNC) pa le kachajixik ri winaqilal, ri q’atenik ri b’anon k’ax xuquje’ ri chajinem pa ronojel rulewal tinamit.
Eri Taqanel rech ri Mingob, Francisco Jiménez, xuk’am ub’e le riqb’al ib’, pa le sib’alaj xub’ij che pa le utaqanik waqik uwach le chak tajin, are wari’: ri chajinem winaqil, chajin pa japache’, chajin k’ulb’a’t amaq’il, q’alanik, uq’atexik toq’inik taq pwaq xuquje’ ri uq’atexik taq ri narcotráfico ri’. Are wa’ ri b’anom, xub’ij e k’o 675 chi kamisan winaq xeq’atatajik, xechap e mil e ajtoq’il pwaq, ri usuk’amixik rech ri Centro rech Alta Seguridad Canadá, “Infiernito” xuquje’ ruk’ kaq’atexik ri narcotráfico, ruk’ ri chomapwaq, awan kunab’al riqom eri rajil are kopan pa Q1 mil 525 millones chi pwaqil pa le junab’ ri’.
Xuquje’ eri Taqawokajnel rech ri Ya’olchajinem pa Amaq’ xub’ij eri ub’anik ri julajuj Nima’q B’anon Ya’olchajinem ruk’ taq ri wokajilal k’o rajaw are xuya pa retal xch’ob’ uwach uq’atexik ri k’axk’olil, ri b’anoj tzijob’elil xuquje’ rech uq’atexik ri b’anoj k’ax. Sib’alaj xub’ij eri uptanib’al ri b’anon tzijob’elil ruk’ ri wokajil k’o rajaw xuquje’ ri komonchak b’anom rech uq’atexik ri k’axk’olil ruk’ ri b’anoj ya’olchajinem pa tinamit.
Rumal eri’ eri K’amal B’e rech ri Cámara Guatemalteca rech Transportes de Carga, José Ramírez, xuk’am uq’ij ri chak b’anom ri’ xuquje’ ruk’ ub’anik rumal ri Ministro rech Gobernación xuquje’ ri viceministros rech ri uq’atexik releq’axik ri kaxonach’ich’ pa taq le nimab’e rech pa tinamit. Xuquje’ sib’alaj xub’ij pa aninaqil xb’an uq’atexik wari’ rumal le PNC pa le uriqik ri kaxonach’ich’ ri’ ruk’ ronojel taq ri jastaq rech k’ayij b’enaq chi upam.
Eri rajawtzij rech ri Cámara rech Comercio Guatemalteco-Americana (AmCham), Jorge Gómez, xub’ij eri chomam pa taq le Nima’q Riqb’alil kuk’ ri wokaj k’o rajaw man b’anom ta ri’ jacha b’anom k’ilaj taq junab’ ri’. Jeri’ sib’alaj xub’ij eri utz b’anom ri’ are xuki’kotisaj kanimaq’ ri wokaj k’o rajaw pa le poq’san chak meb’il pa jikomal.
Pa le b’anon riqb’al ib’ ri’ xek’oji ri’ ri rajawtzij rech ri Asociación rech Exportadores rech Productos no Tradicionales (AGEXPORT), ri Cámara rech Industria rech Iximulew (CIG), ri Fundación rech ri Desarrollo rech Iximulew (FUNDESA), ri Asociación rech Transportistas Internacionales (ATI), ri Coordinadora Nacional rech Transportes (CNT), ri Cámara rech Comercio xuquje’ Industria Guatemalteco-Mexicana (CAMEX), ri Cámara rech ri Agro Guatemala (CAMAGRO), ri lmCámara rech Comercio rech Iximulew (CCG) xuquje’ ri Asociación rech Agentes de Carga (AGAC).
Xuquje’ xek’oji ri rajawtzij rech ri Comité Coordinador rech Asociaciones Agrícolas,
Comerciales, Industriales xuquje’ Financieras (CACIF), ri Cámara rech Transportistas Centroamericana (CATRANSCA), ri Cámara Empresarial rech Comercio xuquje’ Servicios (CECOMS), ri Consejo rech Usuarios rech ri Transporte Internacional (CUTRIGUA), ri Gremial Logística rech Iximulew (GLG), ri Combex-Im, ri Crime Stoppers, ri Corporación rech Agentes de Aduanas, ri Asociación rech Navieros rech Iximulew (ASONAV), ri Gremial rech Graneleros rech Iximulew, ri Gremial rech Químicos xuquje’ ri Cámara Guatemalteca rech Alimentos xuquje’ Bebidas (CGAB).