Eri Unidad rech Cibercrimen rech ri Wokajil Ajchajil Tinamit, uya’om tob’anik chech ri Ministerio Público pa le uchomaxik wuach ri 275 chi k’aqb’al k’ax ri’ pa we junab’ 2021, chech wari’ tajin che uch’ob’ik rilik ri rachib’al esam ri kaminaqib’ ri’, tajin kuterenb’ej pa uwachwuj k’amq’aq’ ri’ ri k’aqb’al taq kitzijol winaqil e sachinaq ri ya’tal kitzijol pa le alerta Alba Kenneth xuquje’ pa le Isabel Claudina, jeri’ k’o achb’ilanik kakiya’ chi ke ri Unidades rech Delitos Sexuales, are rech kechapik nik’aj b’anol k’ax che ri kakijipij pornografía infantil ri’.

Eri tzukno’jchakunel ri’ kekowin ri’ kakich’ob’ rilik kitziijol ri winaqil pa le Uwachwuj K’amq’aq’nil. Eri qas are kakikoj ri Tics xuquje’ ri Internet ri’.

Ri Pablo Castillo, ajtzijolinel rech ri Ministerio rech Gobernación, xub’ij ri’ are la’ katajin uterenb’exik ri k’aqtalil ub’anik elaq’ xuquje’ ri molol tzijtzal ri’, “Eri e ajno’chakunel rech cibecrimen, k’o jun ch’ob’oj kakib’an pa le jalajoj taq tob’chakub’alil rech kakimol ri q’alajisab’al ri k’ax ri’ rech k’o q’atoj tzij kab’an ri’.
Xuquje’ eri Unidad rech Cibercrimen e k’o oxib’ puqchakunel chi rij ri’ k’o ri Unidad Contra Delitos chi ke Ak’alab’ xuquje’ Alab’omab’, k’o ri Unidad rech Ch’ob’oj rech pa Uwachwuj k’amq’aq’nil xuquje’ k’o ri Unidad rech Investigación Web ri’.

Eri rajilab’al ri k’aqtalil tajin kpaqab’ ri’ rumal k’ut eri winaqil sib’alaj katajin che rilik rech k’o ri jachakub’al rech tzukno’jchak chi rij ri b’anoj k’ax pa uwachwuj k’amq’aq’nil ri kub’an k’ax chi kech ri winaqil ri’.

Rumal ri’, eri xkitaq ub’ixik ri q’atb’altzij ri’ are chakib’ana b’a’ rilik we utz kakoj ri uwachwuj k’amq’aq’nil kumal ri winaqil xuquje’ ri jalajoj uwach taq, rech man k’ot kachib’al winaq kakikoj tane’ chi uwach rech kub’an k’ax chech ri winaq xuquje’ chi kech e rachalal, pa awalik b’a’ chakib’ana kitzijol ri winaq ri’.

Jeri’, rajwaxik makakoj rachib’al taq b’enam oj b’enaq wiri’, makakoj kachib’al winaq we e ch’analik xuquje’ le rachib’al loq’oj kakib’an ri’.