Pa jo’lajuj q’ij ri’ xtaq ub’anik ri korlim chajinem pa taq ri tinamt rech Iximulew, Escuintla, Petén, Izabal, San Marcos xuquje’ Chinab’jul. Eri chajinem are kab’an pa taq wokja che ri qas kab’an wi ri’ k’ax, ruk’ uyakik taq tz’apib’al ja, jeri’ ruk’ jujun taq k’axk’olal xk’utunik kumal ri molaj b’anol k’ax xuquje’ kuk’ ri kakib’an k’ax cho taq ri k’ulb’a’til rech Iximulew.

Are wa’ ri taqanem xutaq ub’anik ri k’amal b’e Amaq’, Bernardo Arévalo pa Consejo rech Ministros ri’. Eri xutaq ub’anik ri’ rumal le ministro rech Gobernación, Marco Antonio Villeda ri’ pa nim b’ixik tzijolinem ri’ ruk’ ri jupuq e’ajchakunel pa le Nimwokom Nimaja rech Gobernación. Eri wokajil ajchajin tinamit xkib’an kaq’atexik ri nuk’molaj b’anol k’ax ri’, maj uq’atexik ri utaqanib’alil ri Amaq’ ri’.

Pa le korlim chajinem q’ateb’al k’ax pa unab’eyal xb’an 8,954 puqtzukunem kumal ajchajin tinamit ruk’ taq ri 825 chi puqtzukunem xb’anik. Pa le chajinem ri’ e k’o 4,120 chi winaqil, 178 e pandilleros xuquje’ e 113 e’ajtoq’il pwaq, xriqitaj k’ut 975 chi ch’aweb’alil rech eqam, xq’atexik 24 chi esal rachib’al videovigilancia ri maj pa usaqilal, jeri’ xeriq loq 3,245 chi kejach’ich’ xuquje’ 918 chi ch’ich’ kebinsaxik.

Eri puqtzukunem xtaqix ub’anik pa taq wokajil tz’apib’al ja pa le xriqitaj wi loq k’o 892 chi ch’aweb’alil rech eqam, 340 chi tarjetas SIM, 135 chi kolob’ch’ich’ USB, 62 chi nojisab’al uq’aq’ ch’aweb’alib’alil , 35 chi routers, 22 chi k’aqb’al q’aq’ maj uwujilal, 610 ub’aq’ k’aqb’al q’aq’ utz kakojik, 43 chi nojisab’al k’aqb’al q’aq’, 222 chi ch’ich’ uk’olib’al cerveza ri’, 122 chi pisob’al ruk’ cocaína, xuquje’ 91 chi lame’t ruk’ tzam.

Eri nimatat Villeda xub’ij che katerne’x ub’anik ri Operación Centinela pa le uk’u’x nimatinamit xuquje’ pa Escuintla ri’. Xub’ij che k’o nim upatanib’al ri kemonchak tajin ub’anik kumal ri Wokajil Ajchajin Tinamit (PNC) kuk’ ri Wokajil Ajchajin Amaq’ Iximulew rech nimalaj kakiq’atij taq ri pandillas, ri nuk’molaj b’anol k’ax ruk’ kaq’atexik e’ajb’anol k’ax pa rulewal amaq’ tinamit aj iximulew.

Eri taqanik ri’ xub’an upatan rumal ri’ xq’atatajik pa 25% chi e’ajkamisanelab’ xuquje’ ruk’ ri 33% chi toq’inik pwaq ri’. Xuquje’ k’o utob’anik taq ri b’anow chajinem q’ateb’al b’anom pa taq wokajil tz’apib’al ja rech ri amaq’ tinamit, jeri’ rech uq’atexik ri toq’ob’anik chi ke ri winaq e tz’apilik, rech xesax kachuq’ab’ ri nik’saj molaj b’anol k’ax xuquje’ rech uq’atexik taq ri b’anoj k’ax ri’ pa taq tz’apib’al ja.