Pa le uq’ijol ri tijowchuq’ab’ chak tajin ub’anik rech utz ri chajinem pa tinamit kab’an ri’ xuquje’ rech qastzij b’a’ kab’an ri chajinem winaqilal rumal ri wokaj chajin tinamit. Rumal k’u ri’ eri Ministerio rech Gobernación (MINGOB), pa le uq’ijol kub’an pawe 29 rech septiembre ri’ pa taq ri rachoch k’olib’al ri estadio rech Cementos Progreso pa le zona 6 rech uk’u’x amaq’ nimatinamit. Eri uq’ij ya’ik kiwujilal ri k’ak’ puq e’ajchajin tinamit kuk’ ri k’ak’ taqanel ri Wokajil Chajin Tinamit ub’i’ (PNC), ri sib’alaj xkitijoj kib’ pa le curso básico xuquje’ rech k’o ri ke’ux chech b’anoj puqchajinem tzukunik pa jalajoj taq k’olib’alil pa amaq’ tinamit.
Pa le ioq’ ilob’anem ri’ e k’o e k’ak’ taq ajchajinelab’ kuk’ e’ajtaqanelab’ rech chajin tinamit ke’ux ri’ rech ketaq pa rulewal tinamit rech ri amaq’ nimatinamit, rech taqim ya’ik uchuq’ab’ ri chajinem pa wokajilal rech kachajixik ri winaqilal xuquje’ rech uq’atexik taq ri b’anoj k’ax.
Eri ronojel katijoxik xb’an ri e k’ak’ taq eqa’lenelab’ ri’ are xnajtib’ waqxaqib’ ik’ ri’, ri xumaj umeq’insaxik kib’aq’il kakik’el, rech xetijox kachomab’al kano’jib’al ri’, rech xetijox chech ub’anik ri chajinem pa tinamit ruk’ pa unimaxik uq’ijol ri ya’tal chi ke uwinaqil tinamit, rech uq’atexik ri k’ax, rech kek’oji chi kinaqaj ri winaqilal, jeri’ rech pa ub’anikil ri chakunem pa saqilb’anem xuquje’ ruk’ pa suk’ilal ri’.
Eri graduación ri’ are sib’alaj katob’anik rech utaqixik ri chajinem rumal ri wokajil chajin tinamit, rech kuya uchuq’ab’ ri b’anoj puqchajinem rumal ri PNC rech utz uq’atexik ri b’anoj k’ax, ri k’axk’onil xuquje’ ri chajinem winaqilal ri rajawaxik. Rech kapaqib’ kajil ri ajchajinel ke’okik, rech kanimataj uya’ik uchuq’ab’ ri wokaj ajchajinel kechajin tinamit pa ronojel rulewal amaq’ tinamit. Rech ya’ik kub’al k’u’x chi kuxo’l ri winaqilal chech ri taqawokajil ri’ ruk’ no’jchakunem, ruk’ nimantzij, xuquje’ rech b’anon nimanem pa tinamit.
Eri k’ak’ ajchajinelab’ ketaqik pa ri jalajoj rulewal taq tinamit pa amaq’, rech uqatixik ri b’anoj utzilaj chajiem winaqila ri’, rech uq’atexik ri b’anoj k’ax xuquje’ rech kaya’taj ri joremal xuquje’ ri ucholalejil pa taq ri tinamit. Jeri’, rech ke’eyexik rech kaq’atataj ri b’anoj k’ax pa taq tinamit xuquje’ rech kaya uchuq’ab’ ri riqon ib’ chomanem kuk’ ri winaiqlal rumal ri taqawokaj chajin tinamit.
Eri ka’okik ri e k’ak’ taq eqa’lenel kuk’ ri ajtaqon chajin tinamit, are uwach ri cholchak rech ya’ik uchuq’ab’ ri wokajilal taqom ub’anik rumal ri Wokom K’amal B’e Amaq’ Tinamit, pa uchakunik ri Ministerio rech Gobernación, ri tajin kutzukuj upaqab’isaxik kitaqik ri k’ak’ ajchajinel pa ronojel taq ri amaq’ tinamit xuquje’ rech kaya uchuq’ab’ ri chajinem winaqilal xuquje’ rehc ya’ik uchuq’ab’ ri wokajilal pa le uq’atexik ri b’anoj k’ax ri’ xuquje’ rech kakub’isax kanima’ ri winaqilal chi ke ri wokajil ajchajin tinamit, rech kakub’isaxik b’anik ya’olchajinem utzilem chi ke konojel ri winaqilal e’aj iximulew.