Are chi’ xoksax jun uq’atexik uwach pa q’atb’al tzij rech Izabal ri’ rech kayak ta chik ri Centro rech Cumplimiento rech Condena rech Máxima Seguridad “El Triunfo” ri’ pa le uq’ab’ tinamit rech Morales ri’ rech pa rulewal tinamit ri’, chi rij wari’ le ministro rech Gobernación, Marco Antonio Villeda ri’ xub’ij che ri jun ximob’al q’ateb’al ri’ man kakowon taj kuq’atij tane’ uwach le uyakik le nimaja tz’apib’al winaqib’ e’ajpache’ rumal le Amaq’ ri’ pa rulewal amaq’ tinamit.
Le Ministro Villeda xuya utzijol che ri yakon nimaja tz’apib’al ri’ q’atim uwach rech kayakik. Rumal ri’ xub’ij ch eri taqawokaj ri’ are ri kuchomaj rech kesaxik ri q’ateb’al kojom chi rij pa q’atb’al tzij, jacha ri kub’ij le jikom Ya’tal chi rij xuquje’ pa taq ri q’atb’al tzij chi rij ri’.
Eri nim taqawokajnel ri’ xub’ij che ri are xuto utzijol le xchomataj chi rij wari’ pa le k’isb’al wuqq’ij kanoq pa taq le uwachwuj ub’ixik pa kaqiq’ xuquje’ are xuch’ojij ub’ixik che ri ximon tzij xb’an chi rij rech xq’atexik uwach man k’ot pa ucholajil xb’an chi re ri’. Rumal ri’ xub’ij che man k’ot xb’ixik xb’an chi re le Ministerio rech Gobernación jeri’ man k’ot ub’ixik xb’an chi re le Ministerio rech le Defensa Nacional ri’ man xesik’ix tane’ chi rij jun ximon tzij xb’antaj ri’.
Xuquje’ le Ministro xub’ij che xeya pa qeq’umal rumal ri q’atb’al tzij ri xuk’am ri xmon tzij ri’, rumal eri b’anow ximob’al tzij ri’ man are ti xb’an pa juhn chik q’atb’al tzij chi rij. Rumal ri’, xub’ij ucholaj che ri jun wujilal ri’ are xtaq b’i pa jun q’atb’al tzij man are taj ajilol ta rech pa uk’u’x nimatinamit rech kutaqij tane’ jikom ub’e ri’.
Eri taqawokajnel ri’ xuquje’ xub’ij chie xub’an jun nim kasik’ixik chi rij rech kab’an le rilik we k’o pa utzilal ri jun ximob’al tzij rech q’ateb’al uwach ri’ rech kab’an le rilik jachin xtoq’in loq ub’anik ri itzelal ximon tzij ri’. Eri nim cholchak ri’ ub’i’ “El Triunfo” are ub’e uwach pa saqilal ri b’anow uchakunik ri taqawokajil Chajin Tinamit rech kuya uchuq’ab’ ri Wokaj Tz’apib’al Winaq E’ajpache’ xuquje’ rech kaq’atexik uwach taq ri molaj b’anol taq k’ax ri’ pa le yakon nimaja rech tz’apib’al ri sib’alaj chajitalik. Eri nim yakon nimaja tz’apib’al ri’ k’o pa saqilal rech kayakik, jacha kub’ij pa le b’anob’alil jacha pa taqawokajilal ri’ xuquje’ pa le ub’anob’alil jacha ri taqom ub’anik, xcha’ le nim tat Villeda.
Le Ministerio rech Gobernación sib’alaj xuya ub’ixik che ri reqale’n uchak ri’ man katanab’ taj, are kab’an ruk’ nim chuq’ab’ xuquje’ pa saqilal jacha ri q’atom uwach ri’, pa le uk’extajik uwach ub’anikil ri wokajil nim tz’apib’al ja xuquje’ rech pa le ub’anik taq ri kub’sib’al k’ux’ ub’anik kachajixik ri winaqilal e’aj iximulew.