Are taqim k’ut rech kepixb’axik kena’ojixik ri winaqilal chi rij utz ukojik ri pwaq korte’l ri’ xuquje’ rech q’atenik ri k’ax, rumal ri’ pawe 6 rech julio ri’ xmajtaj ukojik ri jun b’iw ya’ltzijol ub’i’ “Protege tu Bono 14”. We cholchak ri’ are la’ tajin uchakuxik rumal ri Rox Viceministerio rech Gobernación pa le Unidad rech ri Prevención Comunitaria rech ri Violencia (UPCV) xuquje’ ri Subdirección General rech Prevención rech ri K’ax (SGPD) rech ri Wokajil Ajchajil Tinamit (PNC).
Eri Rox Viceministro rech Q’atenik ri K’ax xub’ij k’ut chewe b’iw ya’ltziijol ri’ are rech kepixb’axik kena’ojixik ri winaqilal rech kakijek’ kib’ rech kakil kib’ are chi’ katoj ri Bono 14 chi ke. “We cholchak ri’ are rech kuya pixab’ ri’: maj jun b’a’ kareqaj b’i chom pwaq, are utz we kakoj tarjetas rech crédito xuquje’ débito rech kakitoj kijastaq kakiloq’o, xuquje’ rajwaxik chakik’ama b’i kachib’il are chi’ kakesaj ri pwaq pa taq le pwaqb’al ja k’olme’r”, xcha’.
Rumal ri’ eri Subdirector General rech Prevención rech Delito ri’ xub’ij eri qas kakesaj wi kipwaqil ri winaqil pa tinamit sib’alaj chajim ri’, are chi’ xmajtaj b’i, pa le uq’ij resaxi xuquje’ ok’owinaq chik uq’ij resaxik ri Bono 14 ri’, rech k’o b’a jun utzilaj chajinem kab’an ri’, rech pa le kachajixik ri winaqilal pa tinamit.
Xuquje’ eri Coordinador rech ri UPCV xub’ij che ri b’anoj ya’ltzijol ri’ are la’ kajipix ub’ixik pa uwachwuj pa kaqiq’ xuquje’ pa q’axeb’al tzij ri’. Xuquje’ rech kajach ri wujtzijol pa taq, chi rij taq ri k’ayib’alil, pa taq kitak’alib’al ch’ich’, pa taq plazas financieras, pa taq nimk’ayib’alil, pa nik’aj chik k’ayib’al xuquje’ pa che ri qas kakimol wi kib’ ri winaqil.
Are la’ uwach ri b’anoj chajinem kumal ri e ajchajil tinamit pa le ujachik ri wujtzijol b’ixik chi ke ri winaqil kewa’kat pa le Paseo rech ri Sexta zona 1 rech pa uk’u’x nimatinamit, rech uq’atexik b’anoj k’ax chi ke ri winaqil, rech kaya ub’ixik che ri winaqil rajwaxik qas kakib’ij loq ri k’ax kab’an chi ke xuquje’ rajwaxik ri riqon ib’ kuk’ ri winaqilal ri’.