Eri b’anoj wa’katem pa uwi ri Ixkanul ub’i’ Volcán de Pacaya are ri’ jun je’lalil kak’aslemax kumal ri wa’katel winaq rech qatinamit kuk’ ri kepe naj ri’, rech ke’uk’am b’i pa wa’katem ri winaqil pa le je’lalil wa’katem pa le k’ache’laj ri’. Are la’ rumal e k’i ri winaq wa’katel are katob’anik che uya’ik chak ri’, jeri’ kuk’ayisaj uwach ri poq’san chak chi la’ k’ut xuquje’ pa tinamit. Eri jun ixkanul ri’ k’o (2 mil 562.08 chi etok’al raqan aq’aninaq che ri palowal ri’, ri kariqitajik pa taq ri tinamit rech Guatemala xuquje’ Escuintla ri’.
Eri ya’olchajinem kumal ri reqa’lenelab’ ri División rech Seguridad Turística (Disetur) rech ri Wokajil Ajchajil Tinamit (PNC) are kukub’isaj ri b’anoj wa’katem pa le b’e rech kaq’an pa uwi ri ixkanul ri’, jeri’ are chi’ keqaj loq xuquje’ chi rij apanoq. K’a pa nimaq’ab’ ri’, eri ajchajil tinamit kakib’an ri ya’olchajinem xuquje’ ri q’atenik ri k’ax rech kakichajij ri winaq xuquje’ ri kijastaq keqam ri ke’opan pa wa’katem pa le b’enam chi’.
También los policías de turismo en las rutas autorizadas brindan a los visitantes acompañamiento y una orientación adecuada en los idiomas español e inglés, lo cual permite tener una comunicación efectiva con los excursionistas al momento de indicarles las recomendaciones necesarias para disfrutar de su estadía y visita al coloso.
Xuquje’ eri e ajchajil tinamit rech turismo ri’ pa taq le kib’e ri e wa’katel winaq kuk’ ri kachb’ilam b’i xuquje’ ketzijob’ex pa kaxlan tzij xuquje’ pa inglés tzij ri’,
K’o ri kak’ayix ri’
Eri Fernando de León ajk’ayinel xub’ij, eri komonchak pa aninaqil ruk’ ri PNC are xukub’isaj ri k’olib’em ri’ xuquje’ xeche’xik rech xjitik xk’ayixik laq, xara, t’u’y ri’. “Eri winaqil are chi’ xkilo che keriqitaj pa chajinem ri e ajchajil tinamit pa le b’e ri’ are la’ sib’alaj utz xkilo kechajin chi la’ xuquje’ xkisik’ij chi ke nik’aj chik e wa’katelab’ rech ke’opan pa le wa’katem ri’” xcha’.
Eri al Eliza Rivera, ri are aj nimatinamit rech ri Estado de Vera Cruz, México, xuya ub’ixik chi ke ri winaq e wa’katel pa taq ri kajulew k’ache’laj che are wa’ jun kib’ik rech keb’e suk’ pa uwi taq ri ixkanul ri’ rech kakilo chi la’ je’lalaj taq uka’yib’al rulewal taq’ajil ri tinamit Iximulew. “Sib’alaj kenusik’ij ri winaq e wa’katelaab’ rech kepe b’a’ pa uwi taq ri juyub’ ixkanul, rumal k’ut are la’ jun jelalaj rilik ri k’ayib’alil ri’, xuquje’ sib’alaj kub’al k’u’x ri b’anoj wa’katem ri’, e chajim e achb’ilam pa juntir taq ri b’e kumal ri e ajchajil tinamit ri’”, xcha’.
Ri puqchajinem
Eri uwach ri cholchajinem ub’i’ Plan “Destinos Turísticos Seguros 2023” ri taqom ub’anik rumal ri K’amal B’e Amaq’ Iximulew pa le uchakunik ri Ministerio rech Gobernación ri’ (Mingob), eri e ajchajil tinamit xkikoj K’olib’al rech Chajinem Tzukunik pa taq ri juyub’al tinamit keriqitaj naqaj che ri ixkanul rech kakilo we man k’ot winaq taqom kichapik ri’ xuquje’ rech we man k’ot jastaq rech kakoj tane’ pa b’anoj k’ax chi la’ k’ut.
Xuquje’ kab’an ri wa’katem ri’ che kaqan kumal ri wa’katelab’, k’o ri puqchajinem chi rij kejach’ich’ xuquje’ k’o ri kub’al k’u’x chajinem winaqil kab’an chinaqaj taq ri ixkanul che ri ke’opan wi k’i winaq, rech kaq’atexik ri b’anoj k’ax, rech kakub’isax kik’olem ri winaq ri’ xuquje’ rech k’o jun utzilaj chajinem kab’an chi ke ri winaqil ri’.