K’o chik 12 mil chi wujilal rech antecendentes policiales kesam chik ri winaqilal e aj ixim tinamit k’a pa le 14 rech octubre are chi’ eri Wokajil Ajchajil Tinamit (PNC) xkiya’ loq ub’ixik che xkojtaj kumal ri uwachwuj k’amq’aq’nil ri’ rech ya’talil panoq chi ke ri winaqilal ri’.
We jun ub’anik resaxik kumal konojel ri winaqilal ri’ ri rajwaxik karesaj uwujil ri’ we k’o retal uwachwuj k’amq’aq’nil pa le ukemoj tz’ib’ ri’ we jeri’ pa le uch’a’wib’al ri’, kakowin ri’ karesaj pa le uwachwuj k’amq’aq’nil https://policiales.pnc.gob.gt/ ri’.
Rumal ri’ we kamik e k’o chik 19 mil 328 chi winaqil e okinaq chik pa le uwachwuj ri’ xuquje’ chi ke wari’ e k’o chik 12 mil 745 ri kesam chik kuwujil antecedentes policiales pa ujikomal ri’.
Pa le nab’e q’ij ri’ xkitaq resaxik loq e 5 mil 377 chi winaqil xuquje’ k’o 2 mil 640 chi wujil xya’taj b’i ri’.
Eri Subdirección General rech Tecnología rech ri Información xuquje’ rech Comunicación (SGTIC) ri’ kub’ij che katajin rilik ub’anik resaxik pa le uwachwuj ri’ rech pa utzil katajin uya’ik kuwujil ri winaqil e esal rech.
Rech kilik man k’ot itzel ukojik kab’an loq pa jun kemoj tzib’ tane’ che ri kuq’atij tane’ resaxik pa jun q’ij ri’ we le winaq are kub’an okem pa oxmul tane’ ruk’ itzel ri’ rumal kukoj ri rajilab’al ri wujil tojb’al rech ri’.
Eri Wokajil Ajchajil Tinamit pa amaq’el katajin che kanimaxik ri winaqil rech k’o jun utzalaj ilonem kab’an chi ke pa le resaxik kuwujil Antecedentes Policiales pa uwachwuj k’amq’aq’nil ri’ xuquje’ are katajin uya’ik pa taq le 27 comisarías rech ri we amaq’ rech chinaq b’a’ kikaj kakesaj ri wujil rech keto’ ri’ chi’.