Pa jun nim kaq’atexik ri molaj b’anol e’ajq’axel awan kunb’al ruk’ nik’aj chik jastaq pa rulewal tinamit ri’, eri Ministerio rech Gobernación, pa uchakunik ri Wokajil Ajchajil tinamit (PNC) xuquje’ pa komonchak ruk’ ri Wokaj E’ajchajin Amaq’ Iximulew, ri Instituto Guatemalteco rech Migración xuquje’ Ministerio Público, xchap kamik ri jun ajtaqol rech ri jun molaj b’anol k’ax rech narcotráfico pa taq nimatinamit.
Eri jun xchapik are kuk’ulu xuquje’ kutaq b’i ri awan kunb’al pa Iximulew xuquje’ pa México, jeri’ uq’alajisaxik xb’an kumal taq e’ajchajil tinamit.
Eri jun xchapik ri’ xch’ob’ uwach are jun achi ub’i’ a Selvin “N”, 50 ujunab’, q’ab’em ub’i’ “El Cangrejo”, are xchap rumal le Subdirección General rech Análisis xuquje’ Información Antinarcótica (SGAIA) chi la’ pa le k’olib’al ya’olchajinem pa le k’ulb’a’til El Ceibo, Petén, rulewal tinamit kutiq rib’ Iximulew ruk’ México.
Eri komonchak pa taqawokajil
Eri puqchajinem ri’ are xb’an pa komonchak ruk’ le Secretaría rech ri Defensa Nacional rech México, ri Wokajil Ajchajil Amaq’ Iximulew, ri Instituto Guatemalteco rech Migración xuquje’ ri Ministerio Público, kuk’ ri jujun taq ri wokajil e’ajchajin tinamit ri’.
Eri Ministro rech Gobernación, Francisco Jiménez, sib’alaj xuya utzijol pa le red social X chi xchap jun achi ri’ pa komon kumal ri taqawokajilal.
Eri jun achi ri’ kab’ixik are ajk’ayin awan kunb’al xuquje’ rumal k’o ukolom ruk’, xuquje’ xub’an pa molaj ri k’ax ri’. Are chi’ xq’atexik pa xik’ach’ich’ pa kaqiq’ xk’am b’i pa nimatinamit rech kak’am b’i pa le q’atb’al tzij ri’.
Ri nim kaq’atexik ri narcotráfico ri’
Pa le junab’ ri’, le PNC xuya utzijol che xe’uchapo e 31 chi winaqil rech ketaq b’i pache’ q’atb’al tzij rech naj nimatinamit, ruk’ ri are e k’o 18 e chapom chik e taqom b’i rumal e k’o pa narcotráfico. Are wa’, rumal ri puqchajinem tzukunik xb’an kumal e’ajchajil tinamit pa kaq’atexik ri e’ajk’ayin awan kunb’al xuquje’ ruk’ nik’aj chik awan jastaq.
Xuquje’, eri SGAIA xrajilaj k’o 17 mil 681.63 upajb’alil cocaína ri riqom chik pa le junab’ ri’, eri rajil are ri’ Q1 mil 816 millones, are la’ ub’e’al ri chajinem xb’antaj rumal ri Ministerio rech Gobernación ri’, Francisco Jiménez, xuquje’ rumal are la’ uchak upatan rech ri nim kaq’atexik ri narcotráfico ri’.