Eri Ministerio rech Gobernación (Mingob), are jun pa le Ya’ltzijol B’ixik pa tinamit rech q’atenik ri moyib’al ri t’aril chi ke taq ri winaq, rumal ri Benemérito Comité Pro Ciegos ri Sordos rech Iximulew. Ri cholchak ri’ are pa komon kab’anik rech kumol ri pwaq rech utaqim ub’anik ri b’anoj utzilal chi ke ri winaq pa le. Hospital rech Kukunaj kixikin kib’oq’och ri winaq “Dr. Rodolfo Robles Valverde”, ri k’o pa le zona 11 rech uk’u’x nimatinamit. Ri kemonchak kunanem ri’ are xb’an pa le 9 rech agosto ri’.
Eri Q’atb’al Tzij rech ri Chajinem pa Amaq’ xub’ij rumal xjuch’ uwach ri nuk’chomab’al ri’ rech ketob’an ri wokajilal rech kekunanik pa kemon ri’ rech kakikunaj ri winaq eyawab’ ri emoyib’ ri t’ar kixikin pa tinamit juntir. “Eri chak ri’ are la’ kab’anik rech kekunaxik ri winaq e yawab’ ri’ xuquje’ rech kab’an utzilal chi ke pa taq katinamit kik’olib’alil. Xuquje’ kaya ub’ixik chi ke ri winaq rech kakiloq’oj kib’oq’owach kixikin rech kekanaj emoyib’ e t’ar’” xcha’.
Rumal ri’ eri K’amal B’e rech ri Benemérito Comité Pro Ciegos xuquje’ Sordos rech Iximulew, Marielos de Rueda ri’, xuya ucholaj ub’ixik che ri kemon tob’anik ri’ rech kekunaxik ri winaq emoyib’ ri e t’ar, e aj ximulew, are la’ taqim kakunaxik pa q’ijol ri’. “Eri kakunaxik ri winaq emoyib’ ri e t’ar, are la’ kab’an kumal e rajchak ri Taqawokajnem rech ri Ya’olchajinem pa Amaq’ e are la’ ke’opan pa taq ri tinamit naj che ri keriqitaj wiri’, rech Rech kab’an jun nim utzilal kunanem chi ke ri’ rumal k’ut are qas rajwaxik kekunax ri’”, xcha’ chik.
Eri Cholchak rech Ukunaxik ri emoyib’ ri t’ar pa kixikin ri winaq ri’ are la’ kumaj ub’anik jun k’uttijonik chi rij kakunaxik ri winaq emoyib’ ri e t’ar, are tijonik kakib’an ri’ kumal ri e ajkunanelab’ rech ri enfermería rech ri Hospital rech ri Wokajil Ajchajil Tinamit (PNC) xuquje’ kumal ri pomotores rech ri Unidad rech ri Prevención Comunitaria rech ri Violencia ri’ (UPCV). Eri tijonik ri’ are la’ kuya uchuq’ab’ uch’ob’ik reta’maxik ri’, chi rij kakunaxik ri winaq emoyib’ ri e t’ar pa le rulewal ronojel qatinamit.