Eri reqa’lenelab’ ri División rech Seguridad Turística (DISETUR) rech ri Wokajil Ajchajin Tinamit (PNC) xkiya uchuq’ab’il ri puqtzukunem ri kachb’ilaxik ri winaq e wa’katelab’ pa amaq’ tinamit kuk’ ri ajch’aqap ja ib’ che ri ke’opan pa le volcán de Agua, pa Santa María de Jesús, Sacatepéquez ri’.
Eri b’anon chajinem ri’ are xumaj uwa’katexik chajinem q’ateb’al k’a xuquje’ ri achb’ilanik ri kaq’anik b’i ri kaqajik loq ri jupuq e wa’katelab’. Pa k’isb’al wuqq’ij ri’ e k’o k’ilaj ajchajinelab’ xkib’an ri chajinem pa kaqiq’, chikaj rech sib’alaj xkib’an ri ub’e’al chajinik pa taq ri nimab’e kab’e pa uwi ri ixkanul.
Xuquje’ eri wokajil ajchajin tinamit ketajin pa komonib’ taqawokajil ruk’ le Q’atb’al Tzij rech Tinamit ri’ rech kakimaj ub’anik ri chajinem rech q’ateb’al k’ax xuquje’ ri kachajixik ri winaqil e wa’katelab’ ri ke’opan chi la’ pa je’l k’olib’em ri’ pa le nimaq’ij rech amaq’ tinamit.
Eri q’atb’al tzij xkib’an kasik’ixik ri winaqil e’aj iximulew kuk’ ri ajch’aqap ja ib’ ri’ ri keb’e che rilik ri Volcán de Agua ruk’ taq ri k’ayib’al k’o chi la’, rech kakib’an b’a’ ri chajinem xuquje’ ri taqom ub’anik pa taq le kib’inik kiwa’katem.