Eri rajchomanelab’ ri Dirección rech Recursos Humanos rech ri Ministerio rech Gobernación (MINGOB), xuquje’ rech ri Oficina Nacional rech Servicio Civil (ONSEC), xkimaj ub’anik jun k’ak’ kilik katz’ib’axik kitzijol e rajchakib’ rech xkilo ri kitzijolil ri konojel ri e’ajchak che ri kechakun pa Runimal Rachoch ri Taqawokaj Ya’olchajinem pa Amaq’. Ruk’ ri b’anoj chakunem ri’ kakub’isax ub’anik pa saqilal kitzijol ri’, rech kab’an pa utzilem uchakunik ri wokajilal ri’ xuquje’ ri ub’ixikil chak b’anom pa tinamit.
Eri Ministro rch Gobernación, Francisco Jiménez, ri xub’ij che ri chakunem ri’, k’o jun nimalaj uptanib’al rech kab’an ri kilik kitzijol ri e’ajchakunelab’ che kechakun pa Taqawokajil revh Ya’olchajinem pa Amaq’, rech qas kakib’an utz chech ri kichak pa wokajilal xuquje’ rech kakib’an utz ri kachajixik wri winaqilal.
Rumal ri’ eri K’amal B’e rech ri ONSEC, Karla Gómez Rivera, sib’alaj xub’ij chewe b’anonem ri’ man xaq ta ri’ kab’an ri solin taq ajchakunel pa wokajilal ri’, xane’ are rech jun tob’anem rech kilik kitzijol ri e’ajchak ri’, rech qastzij kek’oji ri e’ajchakunel rajawaxik ri’, xuquje’ rech qas kab’an ri kilik kitzijolil rech kajikomax uwach ri chak nimanem pa tinamit.
Eri K’amal B’e rech Recursos Humanos rech ri MINGOB, Ana Claudia Guirola, sib’alaj xub’ij che ri solin kitzijol ri e’ajchakunel ri’ are rech kilik ri qas kichak kakib’an pa le taqawokajil ri’. Xuquje’ xuna’tisaj ub’ixik che ri Dirección General rech ri Wokajil Ajchajin Tinamit (DGPNC) ri’, lri Dirección General rech ri Wokajil Japache’ Tz’apib’al (DGSP) ri’, ri Dirección General rech Investigación Criminal (DIGICRI) ri’, xuquje’ ri Dirección General rech Inteligencia Civil (DIGICI) ri’ man e’are ta jun pa le solin kitzijol ri’.
Pa le q’ijol ri’, eri jupuq taq e’ajsolinel ri’ xkita ri kiwujilal ri’ e’ajchakunelab’ chi jujunal ruk’ ri utzijol ri kakichakuj paTaqawokajil ri’.
Are chi’ xkib’an le rilik ri kitzijolil pa le uwachwuj pa kemetz’ib’anem, ya’tal jun wujil rech b’ixik che ri e’ajchakunel ri’ tajin keniman chech ub’anik ri kichakunik, ri k’o pa usaqilal ub’ixik ri chak tajin kakib’an ri’.